تعرف غلاتك
تعرف غلاتك لو بعد محتاج ابينها اكثر
يالبيك لهّاني العمر ماركزت بيه من مر
يمكن اذا كتلي شكثر تهواني راح تحير
الليلة اعد محبتك بس باجر تزيد اكثر
الادري بي من تبتعد مدري شحس بحيرتي
صدري انحفر بي خنجر
مكطوع شريان الابهر
يندفع شباج الجفا وبالروح شي يتكسر
اشتاكلك بس الحجي المضموم الك يتبعثر
بدون موج اشتاكلك بالبر واحس بيك البر
مرات ادور لجيتي كبالك سبب يتفسر
تلمحني احرك الخاتم وابدي ارتبك واتحسر
هنا تحس بقيمته ال بس الشوفتك يضطر
يافكة عيون الگلب ياميزتي البيها انغر
مو رايدك واتنفسك لا يانفس .. اكبر
ياروح ماتطلع مثل روحي التموت اكبر
آنه اعرف بزعلك كبل ماتزعل وياي اكدر
والنوم يتركني وقت ماتنوي عينك تسهر
ياريت كل هذا الحجي من اكعد كبالك يحضر
بس التهي بعينك بعد تهمسلي حتى اتذكر
وياك اذا ماسولفت من الصمت لا تحذر
مرات مو كل الحجي يلم المشاعر يكدر
آنه اؤمن التهوا صدك تتنخه بي من تعثر
روحك علي تتكدر تنشف لحد ما يخضر
لو برد ملكاه تشتعل ورماد خلگك ينذر
وانت اعرف شلون اختنك من نسمتك تتأخر
اگبل علي روجة عتب واتقرب تكون اخطر
بس ها عتب بس للمثل مو بالزعل تتأثر
تلكاني ناطر روجتك فارش جرف يتعذر
بس انت ردتك من جنت مابين الاحلام افتر
ومادامك بحضن الجفن جف النظر خل يكصر
وياك ابتديت بدونك شلون ابتدي شتتصور
عنك ردت مرة ابتعد والغيض بفكاري ابحر
تراجعت بنفس الوقت من حرت بيش اتعطر
يخفت ضواي ومايضل لو شوف الفراك ابصر
والليل يتشمت هوا بخيط الشمع من يزغر
للشاعر ايهاب المالكي
تعرف غلاتك لو بعد ؟
رد مع اقتباس
