مشتاقة لأبوية .. مرات حسبالنا تعودنا على فراقهم..لكن الحقيقة تظهر من تختفي كل الضوضاء حولك
والقلب يبدي يفتقد قطعة منه .. يبحث عنها حتى يرتاح.. لكن وين الراحة والعمر كله مطاردة بين النجاح والبيت والاولاد والصمود و التعب والراحة والعناء والمرض...
وفي وقت واحد .. من تنحل كل الأزمات وتهدأ النفسية... اول شخص تحتاج أن تكوله وتفرح قلبه أن امورك تمام وانت بخير ..يكون مو موجود .. هنا المصيبة .. من تتحسر من تسمع كلمة باباتي حبيبتي .. من ينطيك القوة والطاقة ويجدد الامل باجر احلى واني يمج ولتنقهرين ..
شنو العوض بعده...مستحيل اكو شي يهز البنت أكثر من فقد ابوها ..
الاب هو السند ..والله هو من يرعى عبده وينطي السند القوي والحقيقي بصفة الأبوة .. اجمل حلم عشته بوجودك بابا .. ياريت يمي مثل ايام قبل واني وياك نسهر ونتسامر وانت دتمليني اطروحتك واني اكتبها .. اسعد ايام حياتي واني يمك ذيج الايام ..جنت شخصية صديق مو اب
تعلقت بيك أكثر من قبل واقوى من شعور بنت واب..صرت لي قدوة ومعلم لفن الحياة والتعامل مع السلبية بحياتي .. الظروف يمكن تتصحح لكن ماكو فرحة عيونك بيها .. وهذا الشي الي افتقده جدا
المشاركة الأصلية كتبت بواسطة رمـْـْْـْــــــــآڊ
