(شموع الخضر )
كلمات / هادي العكايشي


عاشگ واجيت امشي بحرارة صيف وبظهرية
ياما سحگت الشوك وبريسم صفت رجلية
جيتك يا شط(الكوفه) متعني انذر لك نذر
ليلة اربعاء واعلگ شموع الخضر
بلكت يعود الغايب العيني على دربة ربية
+++
سربت (حدرت) ويه الماي وي جرف النهر
وعيني الهجرها النوم رك بيها النظر
خايف على الشمعات يطفن بالهوى
خايف من الروجات تسبح بالضوه
سيسن شمعاتي ومشن
لرويحتي وياهن خذن
روج وشمع جرح ودمع
بلكت يعود الغايب العيني على دربه ربيه
+++
جيت اطلب مرادي وي اهلي وديرتي
وتكابر وي الروح واجمع قوتي
گمت أوگع أبنازوز واعثر بالرهط
ونگلت جدامي تصيح مو گلبك فحط
والشمع غط وما نجه
والولف راح وما اجه
روج وشمع جرح ودمع
بلكن يعود الغايب العيني على دربه ربيه