جنت كاعد ويا روحي بنص غرفتي
جنت اسولف ع الزمان
وجنت اكلب بالصور مرت اسماء اعله بالي
تذكرت واحد جرحني بكل مكان
ااخ شكد اذية شغمگه جرحه
الهسه مشلول اللسان
واني اكلب بالصور
فجئة واسمع صوت يمي
منين هذا الصوت اجاني
واني وحدي بنص غرفتي
ماكو احد يمي جان
بس جكاير واستكان
فوك مايوجعني گلبي
گام يوجعني المكان
واني صافن ع الصور
الخنگه وصلت يم ركبتي
روحي طلعت وي دمعتي
منين هذا الصوت اجاني
واني وحدي بنص غرفتي
من اباوع جرحي ينزف
ثاري دمي وياي يحجي
كله منه كلشي سويت اعلموده
انطيته كلشي يريده گلبه بكل امان
جان كلشي يريد اسوي
واحتويته بكل حنان
وراد مني اكثر رفضته
وجي رفضته بسرعه خان
اني عندي الحب قداسه
مو ملذة الحب اعيشه
اني اكدر كلشي اسوي ومو جبان
ولان احبك ردت اضمك ورقه بيضه
ومايكتبك غيري واحد
غيري مو مثلي اليحبك
غيري شخبط بيك كومه وقلمه حاقد
بهايه عيني انحفظ شكلك
جنت اغمض واني ارسمك
جنت اشوفن بيهه كلشي وما اكلك
ياهو كلك انه اذلك ياهو كلك
جنت يمي وعفت ربي وكمت اعبدك
واني نادم حيل نادم من عبدتك
كلت بلكي ينغزه كلبه
كلت بكلي يعثره دربه
كلت بلكي يخوفه ربه
وماحسبت حساب غدرك
رخصتني كبال وادم
كل حلمهه تشوف ضلك
وياهو غيري بكلشي يقبل
انت تجرح وانته تزعل
وخاف عبالك تذلني
انه واحد صعبه ينذل
باجر الكاك واكلك
الله يمهل ولا يهمل
..
الشاعر عباس السعيدي