هنا

[الشاعر عباس السعيدي]

جبت عمري اتعبلكم ما اجازيت
وخيركم ابوجهي الباب سده
مجرد شخص عدكم عادي ضليت
مجرد شخص كلكم صرتو ضده
ياهو الي نخاني وما تنخيت
الينخاني السلف يلكاهه عنده
وفيت شكثر ماكلت وفيت
وجهي ويا الاحبهم ما اصده
و باغله الاملكه هواي ضحيت
وابد مادورت لجدامي صعده
والخاطر ضواهم كلشي طفيت
عيني ويه الضلام تعيش رمده
عن البيه يطعن شوفي غضيت
اتركه الوحده يطعن ما ابعده
اسمعه اليحجي عني ومانهديت
اضحكله واحط بايده ورده
يجرحوني واكلهم ماتأذيت
متأذي وجرحهم يجوي بعده
وخلصت الاصابع ندم عضيت
كلبي ويا التسامح هاذ حده
وبنيتي السليمه قصور سويت
ومعيوب اليسولف زينه عنده
زرعت الكاع صبخه وورد طشيت
كل همي الزرعته بيوم احصده
كالو رحنه يمه وضهري صديت
وكالو ايده ضمهه وجفنه رده
انه همزين شاهد عندي خليت
سهمهم من رجعت بصدري بعده
وتاليهه انوكلت ونوة انذبيت
الحمد لله باقي النفس بعده

[جَنـوبـيـة♡]

الله الله عَ الأبداع