تعال الحك
تعال اليوم ما طولك
نباع ازرك
( محسن الخياط )
بعد شالحك
بعد شالحك جزه النيسان
والمالحك ما يلحك
ولا بيدي رسن دنياي
والوي عنانهه وتسحك
يقنديل الليالي السود
نمنه وبعدك امعلك
يدرويش القوافي الجام
من جان الوكت زيبك
الك بي هوه ( العزاب )
لا غرب ولا شرك
المه وروحي ثوب عروس
ما كتلي هوه العزاب للمفرك
شمعه شتاخذ من الليل
خلصت وابو طبيله
اتعطل وما دك
وانا يا خوي مو ايوب
والتحت الثكال شما صبر يزهك
اخذلك جلمه صوغه الشمعه تكظي بساع
مو بس الهدوم الناس هم تعتك
وخلينه انعم الله رطوبة السباح
لا ريعان ظل ولا نباع ازرك
بعد شالحك
زمانك مو زمان الجان
ماهو الواعد وصدك
اظملك حفنه مني وضوك
واصفن بي من تشهك
تلكاني هذاك انه
فرق بس الجروح اغمك
ادور بطارف الدولاب
مدري شظامه التطلك
بعد شالحك
وكت ما عاف ذاك الحيل
هسه ايعوفني امعوك
لو يعرك وجه دنياي
للعنده وجه يعرك
تسطر واليطيح ايطيح
وشراع الورق ينشك
دنيه الصاح منهه الحيد
مو ندمه الرجيج يصيح من ينطك
بعد شالحك
يليل البارحه اندليتني بيا صوب
لو ما ظال لون البابنه المغلك
لاكيني عصاري بسوكنه المسكوف
وبريحة عبي الحلوات خل نغرك
وي زف الفخاتي على الشواطي غروب
ومواعد عشك وعيون تتعانك
وخل برد القوافي اينزز النيشان
واعذر غيضته ويكفيك ما دنك
كريم الجسار
رد مع اقتباس