هنا

[المستشار القانوني]

(روح انتخب)
بس لاتخلي
برگبتك دم الشهيد

ولاتخلي بذمتك
دمعة يتيم بيوم عيد

بالك اتخلي الوطن
چومة عبيد

انزع التيجان مره
ونفض الذل لا تزيد

واحمل بعقلك رساله
تبني موطن من جديد

ميز واعرف طريقك
انت من هاي شتريد

لا تحابي... النور واضح
للظلم بالك تعيد

خلي كدامك يتيم
ومدرسه وگَطعة وريد

ولا تخلي حسين ثوب
وانت بالداخل يزيد

الوگف بالطف عليمن
وانطه عين وضحه ايد

راجع التاريخ وقره
وشوف ياصفحه التفيد

باجر احسابك عسير
يوم تحضر بالوعيد

الشاف شارك وانت منهم
اتحضر الچوي الحديد

لاتگول انه شعليه
ايحاسبك دم الشهيد


علي تكليف الصگبان

[Thamer Alhilli]

صح لسانك وبارك الله بيك أ/ عماد

[دُعےـــآء]

انتخبنا لا يجون البعثية، انتخبنا لا يجيك الجولاني، انتخبنا لا يجوك السنة، انتخبنا لا تنحرم من الزيارة، انتخبنا تره المذهب بخطر، انتخبنا أميركا وإسرائيل يحيكون مؤامرة على المذهب.
برنامجهم كله تهديد للمواطن، ما بيه أي شي اسمه خدمات، أو فرص عمل، أو تطوير، أو استرجاع حقوق، أو محاسبة فاسد.

وبعد كل هذا التهديد، يروح يگعد ويا نفس اللي هدد المكوّن بالخطر، ويتحاصص وياه، ويتوافق، ويتذلل لأمريكا

[صقر عراقي]

شكرا استاذ عماد
قصيدة رائعة

[احمد العثمانيے]

ميخالف
إذا هاي عود أخابرك

[Suzana]

شكرا استاذ عماد ع النشر والقصيدة المعبرة
حقيقة محد يستاهل واذا اكو من يستاهل مايكدر يسوي شي وسط هالكوم من الفاسدين..

[علي الواسطي]

ناس تحشد للمقاطعة واكو من يساعدهم اعلاميا

وبالمقابل ناس تحشد وتقاتل حتى ربعها تشارك بالانتخابات

والعاقل يفتهم


شكرا استاذ عماد

[الرميثي]

ناس تحشد للمقاطعة واكو من يساعدهم اعلاميا
وبالمقابل ناس تحشد وتقاتل
حتى ربعها تشارك بالانتخابات
والعاقل يفتهم
شكرا استاذ عماد

والله يا ابو حسين اني لا تابع لطرف المقاطع
ولا تابع لطرف المشارك
بس كرأي شخصي
اذا تدعو للاصلاح وللتغيير فلازم تشارك بالانتخابات
لان عدم المشاركة يعني عدم تغيير الفاسدين

وشكرا للاستاذ المستشار القانوني

[الطائر الحر]

شكرا جزيلا استاذ عماد
والصورة خير دليل

[كرزاية]

احسنت قصيدة رائعة استاذي
ان شاء الله القادم للعراق افضل