هنا

[✿ عِشق ✿]

كلمات: الشاعر ميرزا عادل أشكناني
ـــــــــــــــــــــــــ ـــــــــــــــــــــــــ ــــ


فالناسُ لهُم هَمّهُم وانا
هَمّي وغَمّي بالحُسين
إن كُنتُ أحببت الحُسين
فَهل يُحبّني الحُسين؟


نَعم يُحبني الحُسين.. كيفَ لا
وانا مِن فاضِل طيّن كـربَلاء


ـــــــــــــــــــــــــ ـــــــــــــــــــــــــ ــــ


ما أگول شگد أحبك وشكثر سحرَك جذبني
هاي نعمة و هبة من الله بيها أولاني و وهبني
من أخذني موج وهمي بشاطي همك ياهو ذبني
أدري مو كيفي من اجيلك لوما احسانك طلبني

عندي سّر تَوني اكتشفته
أوضح مِن الشمس شفته
صَح أحبك لـٰچن إنتَ
يا حُسين أكثر تحبني

من هاي گلبي مُطمئن شما فارگ الطير الغصن
بي مرتبط تكوينه لابد تالي يرجع لأصله
أحن إلك وإلي تحن أكثر من الأم عالإبن
حتى من أصد وجهي تظل ترعاني يا وجه الله

گلب البي سهم شگد بي عطف عَليّه
چف الـ عالترب يا ما لزم إديه
و رأس الـ عالرمح يدير النظر إليه
دوماً لهُ عَليَّ عَين.. كيفَ لا
وانا مِن فاضِل طيّن كـربَلاء
ـــــــــــــــــــــــــ ـــــــــــــــــــــــــ ــــ
لمصيبتك جمرة وي خوفي من أتبع أهوائي تطفي
بحيث مَتفيد النَدامة مِن أعّض عليك چفي
نيتي زُهير أصيرن مو عُبيد الله الجُعفي
من تدير عليَّ طرفك هم أدير عليك طرفي

كون إلك گلبي ايتحرك
و أمتثل نهيك وأمرك
لـشوكت يوسعني صدرك
انه اغلط وإنتَ تعفي؟!!

بجَهلي أظل وانتَ تظل ما بين خوفي والأمل
حبك الـ يخليني وي روحي أعيد حسابي
إستغفارك لذنبي الحصل يذبحني كون من الخجل
و يصير جَرحك جَرحِي و مصابك يصير مصابي

تعّطش عالنهر وآنه أهتني بشرابي!!
واجب باللطّم يخلص الك شبابي
حتىٰ أنتهي بـغُصة إكتئابي

فكَيفَ لا أبقى حَزين.. كيفَ لا
وانا مِن فاضِل طيّن كـربَلاء
ـــــــــــــــــــــــــ ـــــــــــــــــــــــــ ــــ
إي نعم أدري تحبني محَبة النُور لشُعاعه
والشُعاع يظل شُعاع إن چان باقي بـ اتباعه
جون عبد وصار سيد من أقرلك بالإطاعة
وصل توفيقه يموت وسيده يضمه بذراعه

يَـالسبيل الله سبيلك
وين أكو سيد مثيلك !
العاصي بس خطوة يجيلَك
وانتَ تضمنـله الشفاعة

كون العبد فعلاً عبد و الطينة للطينة ترد
هاي العلاقة من الأزل سِّر ما تفهمه الوادم
هذا مثال اليجتهد خدك ذبل مثل الورد
نوبه على خد الأكبر ونوبه على خد الخادم

وخدك عالرمل بـ حر الشمس تحرگه
تشبگ چم جسد وجسمك منو اليشبگه!!
البين أربع فرق من عنده شنهو يبگه

بِكَربلا أبقى مَدين.. كيفَ لا
وانا مِن فاضِل طيّن كـربَلاء



ـــــــــــــــــــــــــ ـــــــــــــــــــــــــ ــــ


MP3

[المستشار القانوني]

أحسنتِ النشر...زهراء المبدعة..جعلها الله في ميزان حسناتك