شلع قلع
صار الوضع__ ما ينجرع!
المرجعيه اشكد حجت؟-ليش الحجي ما ينسمع!!
والصاح الاصلاح انترك!
ماجنه جان النه الدرع!
جان الشعب كلش سبع ! بس هسه ما جنه سبع!
الصيف اليمر بي جمر!-والشتاء ايغركه بالدمع!
شو ساكت بكل الجره؟__وشو جنه كلش مقتنع!
شششششلع قلع
لازم الفاسد ينقلع
الباعوا مناصب واشتروا__لا تنتظر منهم نفع!
المتكلكل وخاس وفسد!__ابسرعه لازم ينشلع!
ما ينسكت عن الكسر!-والكسر صار بالضلع!!
شعب العراقي ياشهم
لا تدفع ابيومك دفع!
لتجرب المجرب أبد
ولا تقبل ابهذا الوضع
اطلع وارفع لافته__مكتوبه بدموع الشمع!
امقاطعين _ أهل الدجل
وكل الحكومه تنقلع
ششششششلع قلع
ششششششششلع قلع
حسين االساعدي