راح اكتب عتب هل يوم
وخلي الناس بيـــه تلوم
كلبي من الزغر محروم
واجر النفس بالكوه

بالكوه اجــــر انـــــفاس
ولامتني الخلك والناس
وشاب الكلب ويه الراس
صارت عيشتي بلوه

بلوه وابد مامــــرتاح
اخلص اليل كله نياح
تانيت الصـبح مالاح
صارت دمعتي سلوه

اسلي الروح بدمـــوعي
وتشب النار بضلـــوعي
سكته وضاع مسموعي
راحت ضحكتي الحلوه

مااضحك لان محزون
عليه ضـــــيم ماتدرون
واكول اصبر وهم تهون
تكضي الدنيه ماتسوه
منقول