ڪَلوله تبشر بينه خلي الثڪَال اعلينه
وحسين تهمل عينه اتطشرو بالحومه

وڪَلوله ما معلومه ڪلمن يموت ابيومه
يطويل العمر يا ستر الستر

الدنيا الڪ ولغيرڪ ڪُبر
چم يمنه بالحومه انشل


ما نهتم وعيب انمل
وي ليلڪ انجوم انهل

في الحربِ لا نخشى الدم
اذ ساله ياهو اليسلم
فرعنه ماڪو امعمم

ثارت الغيره والوفاء
بأرضً كرباً وبلاء

بالبال هاي العاده نزعل لزعل الساده
بذرت علي واولاده وشلون ما نفزعلڪ

شتريدنه شنڪَلڪ
زامط الموش ابحلڪ

عد هاي العرب
الموقف ڪرب والما فضلڪ ضايع وانغلب

والماجه يعرف حاله شيثڪَله ساڪَ الواله
حيدرنه نفدي اعياله

اشما نڪَصت انصيح زَد
ان دق ناقوس نشد
في الحربِ عالصعبه نهد

نطفيها باچر بالعباء
بأرضً كرباً وبلاء

اشرلنه واحنه نجيبه الما عاملاڪ بطيبه
بالرمل نخلط شيبه انصارڪ يحبونڪ

انصارڪ يحبونڪ والرادو ايذبحونڪ
ڪَبلڪ ننذبح ما نقبل طرح

نبقى وتنسلب يحرم ڪل صبح
نڪلبها ضلمه اعلى الڪل

عادتنه ارواح نسل
تأمرنه واحنه النجبل

نگضيها من انڪبر
بالشاطي روس انشمر
يا ضامي زامط وابشر

نسڪيهم المر والرجاء
بأرضً كرباً وبلاء

شتڪول نفلح بيهه كربله ونسويهه
خضره ابدمه نرويهه يالماچفوهه ادلاله

يقائد العياله يمعلم الخياله
ها يلعلمت وشگد طيحت

وادم ما تسر وانت الما طحت
مو بيرغ الدنيا انهزها

ما نرضى ينضام العِز
لو موتى من نحچي نفز

انعلمنه يا بزر الدر
ومگابل وما نغدر
من تثگل الضدنه يفر

تأمر ينجل العُظماء
بأرضً كرباً وبلاء

غير الحرب ما نندل والمان لاجلك يعدل
غير انت عدنه امدلل خلشها تشب نطفيها

نار الوغى نمشيها حافين ونعديها
نعبرها التشب لا ما ننغلب

وعيونك ضوه ما يصعب درب
واليحچي من كلشي انحرمه

من عمره چم عام انغرمه
نضويها من تحچي الضلمه

ياهوه البينه يندگ
ياهو اليحچي انعلگ
سيدنه يلسان الحگ

يُفداڪَ كُل الرذَلاء
بأرضً كرباً وبلاء


كلمات:- سيد حيدر الغياض