سالفة ورباطها منه وبيها
بسنة من السنين زلمة عزم عزيمه كبيرة ودعالها الناس من كل مكان
انملا البيت بالضيوف
وكان المعزب يهلي ويرحب بالضيوف وما قصر وياهم ..
جان اكو شايب مرتجي ع المخدة و يتلفت غاد وجاي ..
كام كال لابنه اللي كاعد يمه :
تشوف معزبنا هذا ، ما يسوى بسوك الرجال فلس !
استغرب الولد من كلام ابوه وكال :
ليش يابه هو بيته مليان وما شفنا منه قصور ..
كال الشايب : صحيح بيته مليان لكن فارغ
اندهش الولد وكال اشلون ؟!
فتعدل الشايب وكال لابنه : كرب اذنك
البيت مليان ضيوف وناس غربة ، لكن ما بيه من كرايبه احد ! هذا الرجل لو بي خير جان لكيت ربعه سند اله و واكفين جنبه
لكن عزيمته هذي عزيمة جذب وكشخة وصيت لا اكثر ..
واللي ما بيه خير لاهله ولربعه ما بيه خير للناس الجناب
رد مع اقتباس
