كومو لينه .....راح نركض وين ماعد الله كاع.
كومو لينه
حلوه خويه اوجوهكم مو للوداع ... كومو لينه
اكسر الخاطر بساعات الضياع ...كومو لينه
خل اموت عليكم وعوفوني
انتم عيوني وعميتو عيوني
والهظمني وشفت موقفهم عجيب
روسهم مكطوعه ويحبوني
ولله اموتن عل محنه الزايده
ساعه اختهم ساعه اصيرن والده
والمركضني والمتعبني حيل
فاكده وتدرون شنهي شفاكده
انه المضيعه النشف الريج
ثاري التعب ياناس توفيج
كامت الدنيه ودمعتي اضيج
كومو لينه كومو لينه
ولله احبكم ...بينه العباس احبكم ياخواني ولله احبكم
يافكدكم ...شنهي ساعه الكلب مايحمل ثواني ..يافكدكم
رايدتكم واحد يركضني ويذبني عله ثاني رايدتكم
اخ من شدتهه ذيج البارحه
ال هاشم كلهه بل دم سابحه
دورت بس مالكيت اضلوع اخوي
طايحه ودورت وادم طايحه
حيل مابيه وثجيله السالفه
وحدي ودارت عليه الطايفه
مره مهضومه وذبح جدامي صار
ذبحو العباس زينب واكفه
شافت عيوني هواي وهواي
ذبحو الماي وكطعو الماي
ضليت بس الروس وياي
كومو لينه كومو لينه
مالت الله هذا حد كلبي وعلي كلساع اموت مالت الله
ليش بلله مختنك ماطلع من عباس صوت ليش بلله
ياسم الله تنحجي والنفس ماكاعد يفوت ياسم الله
كومو فدوه لخاطر اعويناتي
موش اليه لخاطر ابنياتي
ماكو حل وم عون رادت تستراح
وين نطي الوجه من شماتي
فوك شلعان الكلب واللوعه
ركبه ترفه مخضبه ومكطوعه
والعرس ماكمله القاسم حرام
وردت لخيمتنه بس اشموعه
كل مااشتاكلكم يهلنه
تتربع براسي المحنه
لحكونه بل عباس متنه
كومو لينه كومو لينه
ياطلابه هاي ماتنحل وكلفه وحيره ياطلابه
ياصوابه اجروح كلهه اكبار ماكو ازغيره ياصوابه
يااحبابه راحو وصبحت هيمه الديره يااحبابه
طحت بس محد وياي يعيني
باوعت لحسين كوه يصيحني
كتله شيل اختك وكلالي الحسين
انه اريدن زلمه خويه يشيلني
ياعلي ويابو علي وكضني الونين
رحت وين ومادري حته انه وين
فتحت عيني وصلت اكبال اخوي
مشكله مفرهد لكيتك يل حسين
شابك الكاع وطلعت النوك
سحكن ابن امي ومشن للسوك
محروك كلب اليحب محروك
كومو لينه كومو لينه
ياعيوني ابجن لحد ماتصير الدنيه غيمه ياعيوني
جاه شلوني نركض وطاحت يتيمه بصف يتيمه
موتوني كاعده وحركو عله بنياتي خيمه موتوني
خايبين الله ولحد كافي
ذبحو الوادم الخوش توافي
ضيم والدنيه عصر وبكلشي ضيم
شلت همي وكربله عله اجتافي
غير علويات شن هذا الحجي
لو اركاض ولو ادرفع لو بجي
ضاله المن هو راس المال طاح
بعد زينب وين تكدر تنتجي
حطيت اخوتي اكبالي كلهم
لميتهم عود ارد احبهم
ردت الخيل وطشرتهم
ـــــــــــــــــــــــــ ـــــ
الشاعر: علي مالك الموسوي
رد مع اقتباس