گبل لاتطلع من الخيمه يحسين
عبايه انشدت بطارف عبايه
بنات مدلله وماشايفه الناس
واخاف اضيع وحده من السبايه
ركضنا وچلبت بهدومنه الناس
ذيچ تصيح بويه وعمه هايه
انه شبيدي چبيره وعمري خمسين
احشمن بعد ماعندي رايه
تاهن بالركض وين العزيزات
سبيه تضيع والگالي سبيه
ادور عل رباب وبيدي كاروك
واجه المغرب وكلهه مچلبه بيه
انه الماطالعه من الباب للباب
حبل فوگ الهزل شدو بديه
المن بالحرم ويطشهن السوط
لگيت حسين بس ضاعت رقيه
اغمض وانهطر واحسب بالطفال
وافتش واللگه واحد ساحگينه
اگوم من التعب واعثر بالفراگ
واصد الراس اخوي الشايلينه
هضيمه الشايل القران ذباح
الشمر يحسين عگبك عال بينه
يهز راسك ويضحك عل نساوين
يگلهن هذا عمچن ذابحينه
مدري شلون رهمت زينب بنوگ
اشوف المر چنت بس هسه اضوگه
مطلوبين دم ماقصر حسين
الخيل معصبات دوس فوگه
تعبنا من السبي مدنگات ونطيح
شماته الشام وماذينه سوگه
درب ماشايفاته وهسه شفناه
ضعن هزلات ويفشلنه سوگه
الستر يهل الستر انه اخت الحسين
انه المحترگه روحي وي عباتي
عبينا من الخرابه محمله تراب
تغيرنه وتعبنا انه واخواتي
بكثر ماطيح من الناگه يحسين
اصلي وگاعده تخلص صلاتي
اجونه وبالطشت جابونه الراس
ولهسه وصارت الفزه بناتي
يم مصيبتنه المصايب بارده
شنهي الزينب بالخرايب گاعده
هاي ماتهضم التهضم اسمعو هاي
مره گبال اخوتهه طلعت شارده
علي علي علي
رد مع اقتباس