سالفتنه اليوم (خرن طرن)
اكو معلم تعين بقريه أبوه وصاه قبل لا يجي للقرية گاله بويه إنت راح تروح يم ناس أهل حسچه إنتبه على حچيهم وتعلم منهم وِگْعِد بالمضايف مالتهم ومن وصل للقريه كعد في بيت المدرسة بطرف ألقرية و من صبح الصبح ركب باسكله وراح للدوام وأكو مضيف مال شيخ قريب على ألمدرسه مرات عنده شاغر لو بنهايه الدوام يروح يم الشيخ ومن يسمع حچايه مايعرف معناها ينشد الشيخ عنها وگام يتعلم من عنده هواي سوالف مال دواوين والشيخ يكله شنهي ألماتعرفه أسألني عليه وفي أي وقت تعال للمضيف
يوم من الايام جاعد ألمعلم ب (الگهوه) مال ألقرية وره نص ألليل ويسولفون وسمع واحد من ألكاعدين يداهر وي صاحبه يگله هذا حچيك (خرن .. طرن)وهاي الحچايتين ماسامعهن ألمعلم قبل .
ظل دايخ بيهن وراد يعرفهن ركب باسكله وراح لشيخ إلقريه والطريق تراب وطسات والدنيه ظلمه وگامت تنبح عليه الچلاب وأهل القريه عبالهم حرامي فزعو عليه لمن شافوه لنه المعلم گالوله ها أستاذ خيرك
گاللهم گعدولي الشيخ عندي شغله مهمه وياه گالوله ألشيخ نايم خليها للصبح
گالهم لا ماگدر راحو گعدوا الشيخ
گاله ها عمي شعدك جاي بهل ليل
گاله شيخنا اريدك تعلمني شنهي
(خرن طرن )
گاله ولك عمي جيتك هاي بهذا الليل هي (الخرن طرن)
رد مع اقتباس
عاشت ايدك