هنا

[هيڤين ']

بسمڪ اللهُم راح نبدي هاي الملحمه
عدنه حي اعلى الفلاح يعني يا حامي الحمه
خيبر خيبر يا حيدر خيبر خيبر

طبو شيعة حيدر طبو هله بالعياله
ذوله صگور الطارو بالجو چانو خياله
شوف التاريخ الما ردو حيدر ورجاله

جايينك للشيعه تگلهم ما شفت الساتر؟
عوف الحضره وفنڪ تاخذ من عدهم زاير
احنا بلا عركه نوزع دم لو صار العاشر

تعال اعليمن اتهدد اذا ريشك عله
ولك هو احنه ما عشنه اذا مو كربله
دلمهم واستر اليمك وعوف المرجله

ما رميت اذا رمت چف ابو فاضل رمه


بسم الله الرحمٰن نهد للمهدي نمهد
عدنه اليوم الما يستشهد باچر يستشهد
انه ابن الي لو ثگلت يرعد وانت ابن اليلبد

انه ابن الرجفها بخيبر تذكر لو ناسي
ما دنگ بس يوم العاشر حتى اطبر راسي
ياهو اسمك شوف اسمي يخوف شيعي وعباسي

زلم لو ردت الحومه زلم ما تنعبر
تشح الگاع بعدانه نحط عشره بگبر
گبل روس التعادينه عثر بيها مهر

چلمة الترهب يـ/ـزيد فاطمه يا فاطمه

هاي الدنيا شما نتحارب لاچن معروفه
طالت وان ما طالت باچر تحكمها الكوفه
وبخم بس هالمره المهدي تنشال اچفوفه

يسبي الدنيا لخاطر زينب والدنيا اطيعه
وسطوح الشام ايبدلها بسطوح الشيعه
غصباً عاليرضى ومايرضى للمهدي البيعه

يجينه شايل الرايه يبعد انه وهلي
يجيب الثار ونگله علي وياڪ علي
غصب مو طوعاً البيعه غصب هالمره الي

دمها مو حد الرچاب دمها يوصل للسما

لا تأمن راس المن يبرد يحتر بحچايه
شايفهم مو قال الراوي زلم الوفايه
ما يفرغ خلينه الساتر بس بالمشايه

خايب تتفاخر بجدادك ماريد احچيها
خليني اسكت ومغطيها گوه مغطيها
يبن الجماله التتنكر يله انعديها

اعرف الحارب الشيعه والمقصر الهدم
اعرفه ويكرم السامع ابن كومة زلم
والي يحللها يعرفها شگلك يفتهم

واضح الحگ بس اكيد وادم تحب العمى

كد كيدڪ بالسيف وبالدم ردينه العايل
كل هذا احنا وجاي نمهد ما جاي نقاتل
طبينه بعين الماقابل وبعين القابل

عدنه الشيعي موقع بالذر من گبل اصياره
مكتوب حسين بعرش الله هاي احله ابشاره
معناها الميت بالجنه يگضيها ازياره

شعائرنه نسويها وسط جنة عدن
مواڪب غاد وقرايه تسوي ام الحسن
بواچي ومقتل اعيوني لحد ما ينعمن

والگطع ماي الفرات باچر يضوگ الضمه


لـ حمزه الحسناوي

[حسين علي الركابي]

بالتوفيق دائما

[هيڤين ']

التوفيق للجميع اخي
نورت