قبل لا اعرف طيور الكوكتيل
چانت عندي بزونه شيرازيه امي ضايجة منها متريدها لان تذب هواية شعر وشعرها يبطل الصلاه
ف اخوية جاب كوكتيله گال لأمي ميصير اثنينهن بالبيت الكوكتيل يخاف من البزازين كلش امي كيفت گالت انطي البزونه لبيت عمك وعوفه الطيرة اني متت قهر اريد البزونه
صدگ اخوية عاف الكوكه وانطى البزونه كرهت الكوكه من كل عقلي اغمها وادعي عليها
كل ماتتقرب مني اطردها
شوي شوي لحد مااتعلقت بيها كلش
هي حيل ذكية چنت بس اصيح كوكه تجيني تركض واذا مموجوده بالبيت تضل تصيح لحد مااجي والظهر تتغده وياية من تكمل گبل تركض لغرفتي وتنام ع مخدتي
اجه الدوام ماتنام لحد مااجي تركض گدامي للغرفه تنام ع المخده
اخوية ماگالنه هذا الطير حساس من أقل شي يتمرض
الصبح چنت بالدوام وامي مخلي معطر ارضيات وتمسح بالأرضيه وكوكة تركض ورا الماسحه
رجعت من الدوام كوكه مالها صوت ومعوشة كلش گبل خابرت اخوية يجي يشوفها ودموعي تجري
گال صارت عدها( تنفسيه) راح جابلها علاج وخلاها بمكان دافي وگال عوفوها لحد ماتصحى
اني مااتحمل اذا ماتجي يمي طلعتها من قفصها لاحتها برودة رجعت عوشت وعيونها گامن يدمعن واني عيوني يدمعن ابوي گاعد يمي يگول راح تموت حرامات خوش طيرة تعودنه عليها
الصبح من ردت اطلع للدوام شفتها مصحصحه بستها وطلعت تقريباً ب2 منتظرة ابوية أباب الكلية يجيني خليت حالة ع الواتس ضحك وشي
ردت عليه بنت عمي گالت الج نفس تضحكين وبنتج ماتت(يسموها بنتي) گلتلها صارت زينه گالت لا هسه اخذوها للبيطري وماتت
اهنا اني انتهيت اريد رجلية اتعيني اعبر الشارع لأبوي مااگدر شلون من يموتلك عزيز نفس الشعور
گوة صبرت ع نفسي وكعدت ورا ماگعدت يم ابوي بالسيارة خاف يشوفني ابجي سويت روحي ماادري
دخلت للبيت كلها تتباوعلي بنظرة الحزن والقهر امي گالت هاي يمه دريتي كوكة ماتت واني فحطت
گعدت اصلي اجاني ابوي گلي ها بنيتي البقى براسج يبويه
هسه صارن عندي اثنين بس شو أحسهن غبيات مو مثلهامستحيل يصير طير بذكائها ذكية بشكل مو طبيعي تسوي شغلات تخلي العقل يصفن
وشكراً
رد مع اقتباس