ماخذت كلشي وخذيت احچايتك
امگاسمك ماي الاشربة اوداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
**********************
سالفة وليل وقصيدة
وما مكفيني الهوة
حاط عالمشراگة ليلي
ومامسلم عالضوة
مزاحم الثوب اعله جسمك
انا والحافر سوة
احچي للماعنده خاطر
عنك وشفته انچوة
آخ يا بالخيل شفنه وشالتك
امگاسمك ماي الاشربة اوداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
*************************
اوياك احب وين الثگال
الما محسبلهن احساب
الخيمة والغيمة امداهن
مامشن للطف حجاب
مو صدگ للوادم اضحك
انا والوادم خراب
الماي الك موش ابثوابك
ليش احطنّ بيّ ثواب
الماي مثلي ابصاية الله وصايتك
امگاسمك ماي الاشربة وداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
*************************
ياعشگ ينجاب اذكرك
يانحر كلش حِلة
هيه وي كل السوالف
لازم اطب كربلة
ضام عشگك ببه ضمة
صوغة عد امدللة
ياچبير ابگد رحمتك
ياهلة ومية هلة
ياهوّ غيرك سوّة مثل اسوايتك
امگاسمك ماي الاشربة اوداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
*************************
ياجرح عابر جرحهم
ياوطن حتى الغرب
كل درب ساحگته جدمك
الف هنيالة الدرب
تنطي للماي اعله مايه
مارحتّ جبته غصب
گلبك الما ردله واحد
حتى سهمك بالگلب
ياهو ماماسح اعيونه برايتك
امگاسمك ماي الاشربة اوداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
*************************
ياسواد انشوفه نبچي
ونذكر اوياك الجرة
اذكر الخيمة وركضهن
من مرة امچلبه ابمرة
واذكر اوداعك لزينب
من مشت بيك الثرة
تمشي بس تتمنى جدمك
بيك ترجع ليورة
ابوكت بس اسيوف بيّ شرايتك
امگاسمك ماي الاشربة اوداعتك
كلة لعيونك..حبيبي
كلة لعيونك
بيك خيعونك..حبيبي
بيك خيعونك
*************************
للشاعر : حمزة الحسناوي
تدوين : Zahraa Al obaidi
MP3
رد مع اقتباس
المشاركة الأصلية كتبت بواسطة هيڤين '
