اذا هاي المتون تروح للخيل
بعد يامتون تأمنها الحمامات
معناها الامان يضيع عالناس
وتبطل تثق بينه الفراشات
ابن الناثر الحنطه اعلى الجبال
يجازونه بسبي وغربه وجراحات
من شفتڪ بعيد وگلبك وياي
عرفت الخوه تعبر عالمسافات
بديت بخيرة الله وهيج جازوڪ
يم اخر شطر حط الحرامات
ونت ضلعڪ بطول المواويل
تابوتڪ غريب بلا محاميل
ثلث تيام ما مدفون يحسين
چتل ثاني يتعطال المچاتيل
موت براحتڪ موت
ڪمل بچيك وموت
انگطع چف اليتچيڪ
ولا خليت زاتوت
ارتاح لخاطري ارتاح
سد اعيونڪ ارتاح
اخر نومه الڪ هاي
ما تغفه اعلى الرماح
سد عينڪ متعبينڪ
ذب تعبڪ على عيوني
بس غمض لا لا لا لا لا
من تسمع يشتموني
شلون استقبلت كل هاي السيوف
70 الف سيف بهالجسد فات
جرح فوگ الجرح خلولك يحسين
لمن خلصن بيك المكانات
هذني التسعميه والالف وين
هواي جروح وشويه العلامات
مو بس عينك الطماها التراب
بيك انطمت اعيون المسامات
چا غير انت متنڪ شايل اسهام
شلون توصل الدم للسماوات
الخوه الكتلتك من العلم طاح
وبزره الذابحه گلبك يذباح
حساس وشريف ويستحي ايطيح
لهذا اتحمل الوگفه اعله الرماح
روح براحتك روح
يبعد العين والروح
شلنه الوجع وياك
بس ما شلنه الجروح
وياك حسين وياك
حلوة ومرة وياك
شگد صعبه للغربه
من ايدگ يگودوني
بس ابچي ما احچي
من اذكر دفو ضعوني
شممساً والدي الما وگفت وياك
تِشبها بأبوڪ وهيه تچويك
علي خايف عليك ويمشي جواڪ
وهيه بكل صلافتها تلاگيك
بس اهلك بقو يحسين وياك
والدنيا بكبرها دارت اعليك
محد بي محنت بير مطموم
نشف متي الگصص محد يرويڪ
تجيبڪ دمعة سكينه اعله الخيام
بس طعناتهم ترجع تدنيك
ظلموك البشر ومقصر الماي
تچويه الشمس ويلچمه الفياي
ما مكتوبلك ترتاح يحسين
بعدلڪ اربعين وسبي وحداي
اهواي ايامك اهواي
من الطف للسبي اهواي
تعطش لهلك انوب
هانت لو على الماي
رماد اخيامك ارماد
گلبي وبيتك ارماد
ورجع وتعب وياك
كون الدنيا تنعاد
يسبوني ويعذبوني
الف مره ولا عوفڪ
يحبالي يا غالي
وتحسر على شوفڪ
كلمات:- سيد عواد الهدابي
رد مع اقتباس
عشت
المشاركة الأصلية كتبت بواسطة بغدادية
