انت ابكيفك اختار وطب
انت بسيفك اعدل واگلب
انت البادي وانت التغلب
وانت اعليها تگدر
يلمع سيفه بس چفه بشط
لمظت غيمه لو عرجك نط
خل يتوازن الدم والشط
لاكون الدم اكثر
عباس ابصغره ايعرفونه
لو صاحو زينب يدرونه
يتمغط ويطگ اگماطه
چانو كلساع ايگمطونه
وگماط عباس الرايه
................
ياهو شايف الطر لو طر
طوگ بيهم وضاگ البر
همه اهوايه بس هو اكثر
واليتقدم فنه
جيش اگباله بس چنه اعزل
ضايج سيفه عسكرهم قل
كلما زادو ايگول اسهل
شيخلصهم منه
لليوم وتوصلنه اخباره
كاتل اكثر من زواره
انت اول واحد سواهه
من ايموت امطلع ثاره
والعاش ما فايز بيها
................
طر الحومه بركان وطر
همه اگباله فرسان اشگد
بس اگباله چنهم محد
موت ابسيفه حول
صاحو حيره من يتقدم
واحد بينه بس خل يفهم
تطلع روحه لو يطلع دم
ياهو البيهن اول
شوفهم يوم اسود يومه
ما لمت ذرعانه اهدومه
من يعصر چفه يطگ سيفه
وينزون المو بالحومه
ويا غيم حط راسه براسه
...............
گام الطايح وطاح الحي
تجدح عينه دخان اوعي
صف الموته سواهم فَي
لخيام العلويه
هو اردانه من ايسرفن
موش ابن ادم ايخاف الجن
سامع موته بس موته تون
موته اشويه اشويه
چم ميت مگطوعه انفاسه
محد يمه ومحد جاسه
وميت ميت من الخوفه
لا ينزف لا طاير راسه
مكتول خايف يلگونه
.................
لـ حمزة الحسناوي
رد مع اقتباس