الحگ عمرڪ لا يغرونڪ
فتره الوادم ويعوفونڪ
شوف ابگلبڪ عوف اعيونڪ
تمشي الدنيا ابخفت رمشي
لا تتأخر سلم وامشي
عوف الكلشي حسين لكلشي
ودي الرساله بصوت الناعي
دمعڪ بريد وعابس ساعي
احنه الغبيد وجون راعي
لو جاملت بالحب اتئنه
اذكر زهير اتعلم منه
بصبع حبيبه يشوف الجنه.. حُسيــــن
هيچ اليعشگون يا ضوه اليعمون
مولاي ابا عبدالله
...............
هاي الناس اتحب واتجافي
گلبڪ ليش ايضل ايوافي
خلي حسين يشوفڪ ڪافي
سهله الخدمه ونثبت صعبه
اعرف ميثم تعرف حُبه
طاح لسانه وسولف گلبه
لو ڪُلهه هاي التاس اتعوفڪ
سيد شباب الحُـ♡ـب ايشوفڪ
بضلوعڪ الزم مو بچفوفڪ.. حُسيــــن
لو يمشي ضعنه وايجزي حبيبڪ
من يلحڪ الهفهاف ايجيبڪ
بس خلي نيتڪ تشبه شيبڪ.. حُسيــــن
درب اليتيهون يا عشگ مضمون
مولاي ابا عبدالله
........................
حسين ابگبره وندري اشچنه
زوره وفنڪ تشبع منه
تحتار اترد لو تدنه
نافع چان اخيال اخياله
گد ما يمشي وياه اوباله
سحگن جسمين الخياله
من دعبل الحد يوم المحشر
خدمتنه ذره بخدمة قمبر
هذا العشگ للناس التگدر.. حُسيــــن
عشگ البواطن مو بالظاهر
للترڪي اسلم وابن مُضاهر
طاحو مناحر چنهه مناير.. حُسيــــن
چانو يڪيفون يا عشگ مضمون
مولاي ابا عبدالله
........................
شوف اشلون اتضيعه الوادم
اسمڪ لو ما چلمت خادم
مو حر الحر لو ما نادم
اهل البيت ايجيبڪ فيهم
سلمان ابعد واحد عنهم
دنو حد ما خلو اقرب واحد منهم
الله خلقني اعرف تشريعي
عبدي اطعني او تصبح شيعي
يا روحي سمعا اسمعي وطيعي.. حُسيــــن
ما نزل اعله اعيونڪ ايه
من كُلِ فجن هد مشايه
گطره ابحر لا گطره اهوايه.. حُسيــــن
مولاي ابا عبدالله
.....................
ربڪ شافڪ گلڪ تگدر
اعطش هو الماي اليخسر
انا اعطيناڪ الكوثر
تنطي اعزاز ابلايه مقابل
ربڪ گلڪ يالتستاهل
انطي وراح انطيڪ ابو فاضل
سُبحانه من گرب عباسڪ
اقرب الڪ من حبل انفاسڪ
شال الوجع من شالو راسڪ.. حُسيــــن
هيچ احترام الحُب ينطونه
چنت اقرب من اسهام اعيونه
اوما يدري وجهڪ اشلونه... حُسيــــن
لـ حمزه الحسناوي
رد مع اقتباس