كلمات: احمد المشرفاوي
...
العجل يا معبود لظهور الموعود
الغيم مهما طال لازم ينجلي
گربت شمس الولي وابن الولي
راح يرفع سيفه بسم الله وعلي
لمادخل عد ابو فاضل يبتلي
چلمه لتخلص الناس
بس دخيل العباس
واحنه يم راعي الجود
لـِـظهور الموعود
العجل يا معبود لظهور الموعود
...
من تشوف الشمس لثمها التراب
گول طب للكوفه ابن داحي الباب
راح ينفخ ربڪ بصور الحساب
وراح ينسد الفرات من الرگاب
واعدت من سنين
والوعد للحر دين
من تعودون نعود
لـِـظهور الموعود
العجل يا معبود لظهور الموعود
...
فز ينام راح ينطر صبح
لا تنام ورش على عيونڪ ملح
ما يصير حسين كلمن ينذبح
حسين بس لخذو راسه اعلى الرمح
الدين يا اهل الدين
ضاع وي ثوب حسين
ويرد وي المفگود
لـِـظهور الموعود
العجل يا معبود لظهور الموعود
...
گربت غيمة الثار مدلهمه
وصل حدهه وراح يشرڪ بالدمه
كلمن اترضه اعلى قاتل فاطمه
راح جبرائيل يصرخ بلسما
الله ما عنده كبار
غير ولد الكرار
هو هذا الموجود
لـِـظهور الموعود
العجل يا معبود لظهور الموعود
...
راح يعلگ نارهه گبال العيون
والملائڪ فوگ سيفه ايرتلون
جله رب الثار عن ما يشركون
جاء امر الله فلا تستعجلون
قد اتى حول الله
ونجى من والاه
الله ودانه شهود
لـِـظهور الموعود
العجل يا معبود لظهور الموعود
رد مع اقتباس