عوده مع
غزل شياب
مع الكبير الشاعر حسين الشيباني حسين الشيباني
...........
يل صوبت گلبي بمرض
وتگلي كف مالك غرض
حبك على گلبي انفرض
حب خالي من كل غايه
يل بيك دلالي ابتله
دگاته صارن موش اله
نظرت عيونك قاتله
قوس وسهم رمايه
يل بيك حييرت العمر
البيض حارن والسمر
بهيده خل جدمك يمر
اترهدن الفختايه
ياتين خدك ياعنب
يشفاف لقمايه ورطب
يالصفة حجولك ذهب
وبگيمر محنايه
ياواحد انت وبس الي
يالعفت لجلك كل هلي
بالجذب گلي ادللي
مو صدگ هي حجايه
واحلم واهيم بجلمتك
واشتاگ وانظر صورتك
ورده وتحطني بسترتك
وتشمشم الوردايه
علي تكليف الصگبان
♕♕♕♕♕♕
حسين الشيباني يگول
خويه انت يلتحجي غزل
ما تدري بحسين انجتل
شوفي شرد حيلي نحل
جا بالله هاي اسوايه
رديت بينه .....للزغر
لسنينه..... باول عمر
من جنه نتلاگه الظهر
ماعدنه بالحب غايه
بوداده ....حيل اتونست
صابر عمر ......ما أيست
من لحت شفته وبوست
شميت خده اهوايه
اي صح كبرنه وشيّبت
بس والله ..ابداً ماتبت
ريل العشگ بي جلبت
رافع للاسمر رايه
گلوله ..ما مل العشگ
بالگلب ..بسماره يدگ
الزم عثگ يفلت عثگ
ما تنمل اللقمايه
نوبات من گلبي يحن
لا يهده بالي ولا يجن
بگال تيّه....... بالوزن
ما ردت الصرمايه
الشاعر حسين الشيباني
رد مع اقتباس
المشاركة الأصلية كتبت بواسطة ابو نور الكوثر
