(( غزل ....شيٌاب ))
عنتر وعبله بعد الخمسين
يقول (عنتر) حسين الشيباني
***************
خلص رمضان
غرٌب والعطش معطر

تانيتك غصن زيتون
ما ضايج نبع كوثر

تانيتك فجر عشاك
لامر..لانشد..لاطر

العشك تالي العمر چتال
علي چا ليش تتبطٌر؟

شوصفنٌك يغصن البان
أشكر بي حلاة أسمر

يعمي امروٌه خل عندك
دولاب الوكت يفتر

صباح الخير واشلونك
من اتكولها أشتخسر؟

صح شيٌاب ماظل حيل
بس عدنه الوفه أمخمٌر

صح ريل اوجزه الخمسين
بس الگلب بعده أخضر

مر بينه يحلو الطول
يم الباب ما تعثر

خل عطرك يفح بالبيت
مشتاكين يلعنبر

خل أنسولف المدفون
كلٌه ابكعدة المكسر

واناغيك ابشعر مجنون
عتابه ..ازهيري.. وامشطٌر

واهد البلگلب مدفون
ما أخلي الحجي أمدثٌر

وافك لغز الغزل وياك
رمز سري اوحجي امجفٌر

واورجك علسدن بجفاك
تگعد وأفتح الدفتر

وأذوب أبشمة اخدودك
واموع ابريحة المنحر

واطب لبكشة الرمان
والگي الرايج أمطشٌر

وأرد واتعوٌذ الشيطان
واندل ثلمة المعبر

واعف واصعد واضوك اشفاك
وابلش بالخمر واخدر

واغفه ابمكسر أزلوفك
والوذ امن البرد والحر

تانيتك ولك بس عاد
رسٌيني اعله شاطي البر

ترضاها الگلب ولهان؟
وانته اگبالي تتبختر؟

ترضه امنادس الغمان؟
وين الهافي وامجعمر؟

ترضه ايمر عليه الليل
واني اويلجكاره اسهر؟

ولك دصفن ؟ دگول اهواي؟
ليش اگليبه يتفطٌر

يعمي الكضني عنٌك عيب
موش الخوف من منكر

هذا اَخر كلام اوياك
چانون الصبر وجٌر

لو مچتول بيك أهواك
لو زفة عرس تفتر

..الملك حسين الشيباني
******************
وتجيبه (عبله)

وأنه برمضان
يهزني الشوگ الك يسمر

تانيتك شهر ماجيت
تانيت بگلب جمر

ردت افطر بثغر اشفاك
ورد برضابك اتسحر

وينك من صحت ماجيت
چن ميت وجاه منكر

تعال وحل بگايه الشوگ
خل ليل الشَعر مكسر

تعال وحوش كلشي تريد
رمان وشتل عنبر

تعال الروح خضره تريد
وايام العمر تگصر

انه الماجيت!! يل ماجيت
عبله انه وتنت عنتر

تنيت اترد وگلك هاك
طفي بنارك اشتگدر

ومد ايدك وخذ شتريد
راضي انه على خير وشر

لچن خوفك كسرلك ايد
ماوصلك للمنحر

ولا عندك وفى العشاگ
ولاچانون گلبك حر

شايب ظال بس افچوچ
وبخمسينه يتعثر

رمان الحديقه كبار
وانت ادرد ولا تگدر

خلها مدثره الچلمات
أبد لاتفتح الدفتر
… ..
علي تكليف الصگبان