اجابل دارك
...............
هو حبك مشتره حته اشتريك
لو قدر مكتوب صعبه اسرارك
يجي الليل وكلت باجر مااجيك
وصبحت هايم واكابل دارك
رغم سهران الليالي ومعتنيك
وادري تتعمد تقدم اعذارك
ابد موبيدي الكلب أصبح بديك
دوم سهران ويريد اخبارك
واني عندك اشتكي منك عليك
يلي جويت الدليل بنارك
لايجي ابالك ابد يوم ارتجيك
والضنون ابعدهه عن أفكارك
من هويتك فكرت منك وبيك
ولا الك ثار وتداعي بثارك
انته هادي البال مرتاح اشعليك
واني عقلي التاه من اصرارك
...........................................
بقلم ابو عقيل الدغاري المطوكي