هنا

[صقر عراقي]

هذا الموضوع خاص باللذين ماعدهم شغل وعمل ومايعرف شيسوي
مثل حلاتي الان .
افتريت باثنين منتديات شوماالي خلك اقرأ وارد
كَلت خل ابلبس بهذا الموضوع واشوف منو اكثر حسجة وعراقية
ابن ..بنت بغداد لوابن بنت .الجنوب .
.........
هذة كلمات اتذكرتها نريد كل كلمة تضع بجملة مناسبة
..............
1- خفت
2- محراث
3- بيز
4- موجرة
5- شايغة
6- جانون
7-صريفة
8-مكَرود
9-مسيجين
10- يلالي
................
هذول كلمات كلش بسيطة بس اذا يدخل المستشار القانوني استاذ عماد وينطي كلمات جنوبية
حتى اذا الموصل يشترك مع بغداد مايعرفوها .
.............
يالله ياجماعة ضعوها بجمل قبل لايغلبكم استاذ عماد .؟

[❥ أم محمد ❥]

والله ماعرفت شنو معناها حسجة
ولا باقي الكلمات
ننتظر الاعضاء

[مشمش‌]

أهلاً

خفت يمكن معناها فكر او ثول هيج شي
مكرود يعني قليل الحظ
مسيجين يعني مسكين
يلالي اتذكر جداتنا كبل يكولن ع البنية الحلوة البيضة يلالي الماي من رگبتهه يعني يبين او يظهر او واضح
صريفة يمكن بيت تعبان اتوقع
شايغة احنه نكول شايغة روحه او رايحه روحه
موجر هم نكول گلبي موجر يعني تعبان او ضايج


الباقي ما اعرفهن

[كرزاية]

هلا والله بصقرنا الغالي♥️
خفت / خفت باقي من رماد نار وجكاره / وبعد نكول خفت هل شكووول عابت هل خلقه وشكل المحلو

محراث / كرك الي يحرثون بي الارض ونكول من نشوف واحد او حده ضعيفين نكوللهم جنكم محراث

صريفه / هاي يبنوه قبل بالاهوار وغيرها من القصب الغرف ومضايف على تراب وسكف سعف

مكرود ومسيجين / حبابين فقيرين كلش حضهم مايل

يلالي / خفيف مثلا لملابس قماش خفيف نكول يلالي يراري الجسم يبين الجسم


بس ذني باقي ماعرفهن