الإفلاس.... الواقع اليوم........
............................................
لأن قل الصدك..
لتأمن الناس...
يصاح بلا عجب لدوخ الراس...
ليغرك كلام..
وتبقه محتار..
البشر مو بحجايته هليوم ينقاس..
لتغربل بعد..
واتعب الاجتاف...
مو سهله تفرزن عنده الاحساس..
جربته وجذب..
وياك فد يوم..
سامحته وكلت هالمره لاباس..
العشره الجذب..
ياصاحبي اوهام..
ناتجهه اكيد ايصير الإفلاس...
ينيشن عالهدف..
جدامك أمرار..
بس التفكه عنده بلايه ترباس...
اوجوه اتلاثه عنده..
أبنادم اليوم..
وياوجه التشوفه مااله اساس..
كارزمه شخصيته...
ومظهره ايلوك...
بس هذا ابد لتحسبه مقياس...
منهم بالأصل..
ماعنده تاريخ..
يظل طبع العرج للدوم دساس..
ولمن قل الوفه..
وطبع الجذب شاع..
سوالف كثره منهه اتكطع الأنفاس...
بالأفعال ومواقف..
يظهر الزين..
حته نكول هذا البشر نوماس..
ولمن طالعت....
كل القواميس..
الصفات الكامله بالكمر عباس...
.................................................. .................................................. ابو عقيل الدغاري .........