هنا

[ارجع يازمان]

غبشينه....
الدوله اليجدون بيها
وزاودينه اعله الجداوه!
وعلأكل مدينه,,
ادينه!!
الوطن للغربه خيره.. ومنع ماعونه علينه!!
حسين ما قصر اويانه...
ويكرم أيام اربعينه!
لكن ابصفه مضايف!!!.تركت الدمعه الحزينه!
وتنطي بس للينطي بينه!!
والسبب.....
رحنه انتخبنه السارق الباك الخزينه!
وأظن ما بيهم شريف المن صدك سواله زينه!
ورحت أسئل هالشريف احجولي وينه!!
هسه يا مسوؤل منهم.
نكطه من المستحه الهسه ابجبينه!
كالوا ابميسان واحد / شهدت اعماله الرزينه!
وبالحسينيه أكو نائب ,,,وأكو نائب بالمدينه!
وبالنجف موجود مصلح..
وعالبطانه الله اليعينه!
يضحك ابوجه اليتامه...ودمعه مفضوحه اعله عينه!!
العنده سر من الولايه!!
والألباب امشخصينه!!
وهالحجي ما جبته مني!!
محمد انطاني السكينه!!!
الما يصدك خله يصبر...ويقرأ الاحداث التجينه!
ورايح ايصدك كلامي... الشايل ابكلبه الضغينه!!
والف هنياله اليمهد
وتانه نبراس الضعينه!
ترى المهدي ايريد يضهر/ وهسه احنه امأخرينه!!
احنه أخرناه بدينه!!
حسين االساعدي