ياشور البكه بالراس ياراي
ودمع عيني شبيه النهر ياراي
عگب هلعمر ولفي يصير ياراي
عجوز وردن العشرين بيه



اتذكر من كلت نعسان مديت
ضلوعي ولصلاه الصبح مديت
لون ادري تطول هيج مديت
غيابك جا لحمت ايدك بديه



شبده مني وعلي شحيت بلهاي
يمن خليت مدمع هاي بلهاي
خلافك جن عضم مشجوج بلهاي
وتكلف بلعه ارياگي عليه





مجابل بعد هجرك جابلوني
الشماته وصل حالي جبلوني
الميت بلمنازع جابه لوني
لجن كطع النفس ماصح بديه




الآسه المرنی اعله فگدک عوضلعین
فترشوفی و وصالک عوضلعین
حرف فاء مس عشگنه عوضلعین
وتراشگنه ابفشگنه وشفنه اذیه




من احروف العشق وکتی فصلعین
تعال الشق بقی ایغثنی فصلعین
اخلّی المحبسک شَذره فص العین
و ارد العین الک والشق سویه




متى دالي عليه براي .. وبشار
ومتى جامع وياي بخير .. وبشار
ومتى گايلي عد عيناك .. وبشار
ومتى مگطع ارچاب الخيل اليه