الى ولدي الغالي
أهديك آخر ما أملك.
نصيحة
********************
بوية شوف الله شكثر مطيك خير
واليشكره ومايزل يزيده
من عطاياه وبحر جوده الغزير
وجنبه من ابليس وابعد كيده
بغير منه الباري ببنادم خبير
وعارف بكل التذر وتفيده
من تجيك البيهة. تهتم وتحير
صيح يارب واشتكيله بهيدة
ماتطول واللي تتمنا. يصير
على المرام المشتهي وتريده
اذكر الذبوا أخوته بقعر بير
ؤملك صار بطاعته وتسديدة
وصاحب الحوت التخلص من مصير
بتوبته بس ما رفع چف ايده
والصبر لمن صبح خاوي و فقير
وصاح مسني الضر بعد تمجيده
گاله اركض واغتسل فجرله بير
طاهر لعمر الشباب يعيده
والرضيع البالبحر آمن يسير
ورده ل امه وگطعت التنهيدة
والفدا ربه بذبح كلش چبير
وشال سچين الذبح عن جيده
والخليل ونار نمرود الحقير
الصبحت برد وسلم. رد كيده
والرعاك من الجهل وانت زغير
وكتب رزقك مانساك بقيده
يبني اخذ مني النصح وعليك أشير
لاتعرض روحك التهديده
لاملك ينفع هناك ولا وزير
العاصي بالذل خالد بتشديده
واليطيع ويتقي بالجنة أمير
يعيش خالد مايخلص عيده
شما تطول بالعمر عمرك گصير
صير واعي ولا تضيع الصيدة
رد مع اقتباس
