سديتهن بوب الأمس
وگليبي اغمه لو يحِن
ومن المدارس بطلت
ما ريد يوميه امتحِن
دروس الحياة مشگلبه
التنطيه هوَ اللي يمِن
راح امشي بس ما التفت
للمات للطاح ويوِن
هذا قراري المفصلي
عن قوة والله مو جبِن
مالي خلگ أعذر بعد
لا روحي تتحمل سحِن
الحرگن بروحي انتهن
والشيب راح البجفِن
واللي يجن خلهن يجن
ادفنهن بنگره دفِن
والعال وياي بقصد
ما ارضه وياه لو يجِن
فرحان هسه بدنيتي
حفلات موسيقى ولحِن
توفيق الصكبان..
رد مع اقتباس
