هنا

[ڪُحلــَـْہ‌‍']

صلي شما تگدر واركع
بس لو جدمك تتگطع
ما تذكر حيدر ترجع
واطب اطب للنار

ذولاڪ البيهم لوله
كل ما صلت گلوله
لا يتعب ما مقبوله
لا يتعب ما مقبوله

واطب اطب للنار

هي بس للشيعه حصرا
وانه شيعي الجنه الي
يم علي انأمن اهلنه
وهو اقرب من هلي
ناخذ الصحنه الجنايز
حتى يختمهن علي

والختم محفور بعدد
والختم شيعي المعتقد
والختم يا حيدر مدد يا علي

ما يطب لو يسجد الف
ما يطب المو شيعي وعرف
ما يطب ختمك يختلف يا علي

علي مولا ♡ علي مولا ♡ علي مولا

من الذر حد اللوحه
وحسين وذيچَ جروحه
مو شيعي يتعب روحه
مو شيعي يتعب روحه

وانه انطيڪ التفسير

طاهرهم من شال ايده
طاهرهم من شال ايده
گاللهم الله يريده
والما والاه بعيده
عنهم رحمتنه اتصير

هي گاع الله وسماها
وحيدر يصير الوريث
اية القرباء تفسر
وتختصر كل الحديث
والامام الصادق اوضح
لا يفسرلڪ خبيث

حب علي كلش يختصر
حب علي مفتاح الحشر
حب علي نور بكل گبر
يا علي يا علي يا علي

لو ضعت وذنوبڪ جزن
لو ضعت ما يتحملن
لو ضعت حب حيدر وطن
يا علي يا علي

علي مولا ♡ علي مولا ♡ علي مولا

يا موتِ ويلتحييني
يا موتِ ويلتحييني
يا من قاب القوسيني
لو ما حيدر چا ديني
وي خيبر ضاع الدين

شما اوصفك موش اولامك
شما اوصفك موش اولامك
والخلوهم گدامك
ما حطهم جوه اجدامك
استنكف يابو حسين

رايد تعرف الحقيقه
وهذا واقع مو خيال
ميز الناس النضيفه
بلايه ما تسئل سؤال
الصاحت امهم بلولاده
يا علي اولاد الحلال

يا علي ميزان البشر
يا علي فايز لو خسر
يا علي والحبك عبر
يا علي يا علي

بالحشر مو للعادتك
بالحشر بس للوالتك
بالحشر فازو شيعتك
يا علي يا علي

علي مولا ♡ علي مولا ♡ علي مولا

من خيبر ذاك وجدهم
ضل خوف ويمشي بدمهم
لي هسه اسمك راعبهم
لي هسه اسمك راعبهم
يوم اسود ما تنساه

يا حد حدك من تحمل
عدوانك لمن تنزل
صاحولك لمن تكتل الله الله

بلحرب چفك قيامه
وبلزلم نسمت هوى
يا فجر من توه يبدي
ويطلع خيوط الضوه
هذا حب الرافضيه
بيا علي نبدل الدوه

لــــــ المُبدع حمزه الحسناوي

[صافية ☢]

أحسنتِ حبيبتي قصيدة جميلة ، في ميزان حسناتك يارب
موفقة

[ڪُحلــَـْہ‌‍']

نبتتنا الرائعه
تسلمين قلبي التوفيق للجميع
نورتي

[أمير الأحلام]

انا عندي رأي بهذا الخصوص
اكو مخالفة شرعية هنا
اكبر مخاطرة انو نكول فلان ما يدخل الجنة
هذا القرار هو قرار رب العالمين وبس
ماكو بشر بالدنيا اله حق يحجي هاي الحجايه ويكول فلان ما يدخل الجنة لو يركع الف مرة
القرار الهي بحت
الله مالك الجنة والنار والخالق الواحد الاحد هو الوحيد اللي يقرر منو من خلقه يدخل الجنة ومنو من خلقه يدخل النار
اذا هو غفر لمومس لمجرد انها سقت قطة نكدر احنه نكول فلان يدخل الجنة وفلان يدخل النار؟ هذا الشي بعيد عن حقوقنا ومكانتنا امام رب العباد
اكدر انا اجي لبيتج واكلج فلان ما يدخل بيتج؟
هذا قرارج انت
ولهذا اشوف اكو مغالطة شرعية او بالاخرى مخاطرة شرعية هنا لان الشاعر يتألى على الله واذا الله ما قبل بهذا الكلام (لان الشاعر قرر نيابة عن الله) فهنا الشاعر خله نفسه بمأزق جبير مع الله
ولذلك الاولى ترك انو نكول فلان بالجنة وفلان بالنار
اذا احنه انفسنا ما نكدر نحدد راح نروح الجنة او النار فشلون نقرر للناس؟

[ڪُحلــَـْہ‌‍']

انا عندي رأي بهذا الخصوص
اكو مخالفة شرعية هنا
اكبر مخاطرة انو نكول فلان ما يدخل الجنة
هذا القرار هو قرار رب العالمين وبس
ماكو بشر بالدنيا اله حق يحجي هاي الحجايه ويكول فلان ما يدخل الجنة لو يركع الف مرة
القرار الهي بحت
الله مالك الجنة والنار والخالق الواحد الاحد هو الوحيد اللي يقرر منو من خلقه يدخل الجنة ومنو من خلقه يدخل النار
اذا هو غفر لمومس لمجرد انها سقت قطة نكدر احنه نكول فلان يدخل الجنة وفلان يدخل النار؟ هذا الشي بعيد عن حقوقنا ومكانتنا امام رب العباد
اكدر انا اجي لبيتج واكلج فلان ما يدخل بيتج؟
هذا قرارج انت
ولهذا اشوف اكو مغالطة شرعية او بالاخرى مخاطرة شرعية هنا لان الشاعر يتألى على الله واذا الله ما قبل بهذا الكلام (لان الشاعر قرر نيابة عن الله) فهنا الشاعر خله نفسه بمأزق جبير مع الله
ولذلك الاولى ترك انو نكول فلان بالجنة وفلان بالنار
اذا احنه انفسنا ما نكدر نحدد راح نروح الجنة او النار فشلون نقرر للناس؟

يا هلا بنور
علي قسيم الجنه والنار
اكو مصادر شيعيه وسنيه تثبت انو الامام علي هو قسيم الجنه والنار حب علي مفتاح الجنه وبغض علي مفتاح النار
فالمؤمن بعلي ابن ابي طالب يدخل الجنه والكافر به يدخل النار الامام الصادق عليه السلام وضح هالشي
واكو بعض العلماء السنه وبكتبهم مذكور
سيدنا علي رضي الله عنه هو من يمرر الناس على سراط المستقيم فلا يدخل احد الجنه الا بأذنه
صحيح سامعه هالروايه
اكو امراه سقت قطه ودخلت الجنه
بس الشاعر شوف صحيح يگول الجنه بس للشيعه و هذا على قول الامام علي عليه السلام لا فائزين بالجنه الا شيعتي
انه شيعيه منو يگول ادخل للجنه
انت تعرف الشيعه منو
همه الي يؤمنون بالامام علي والف الحمدلله الذي جعلني من الموالين لعلي ابن ابي طالب عليه السلام
بس منو يگول ادخل للجنه الامام الصادق يگول الشيعة الحقيقيين هم من يطيعون الله ويتبعون تعاليم أهل البيت في العمل والسلوك، لا مجرد القول باللسان

الغالي نورت