بيّه ألم ما ينوصف
وي گلبي نغزاته انعجَن
چويات عندي من الزغر
ما يوم عافني وهدَن
وجروحي صارن صحبتي
وياهن أمشي لو مشَن
ستين عام من الصبر
من دمعي كلهن خضرَن
وغطيتهن من كل كتر
كل الأجن غفله وچوَن
وما ورجيته اللي سأل
بس گتله هينات ودفَن
ماريد اورّج أي بشر
واحچيله كل اللي سدَن
عندي خلگ أم أرمله
وجروحي من صبري ارتوَن
شما خضرن زاد الصبر
ماگلت بطلن لا تجَن
سنين العمر مرّن غفل
غير المصايب ما حوَن
شتأمل بعمري البقه
وعظامي من زغري انطوَن
توفيق الصگبان
رد مع اقتباس
المشاركة الأصلية كتبت بواسطة mohamed awad
