ومات گلبي..مات ربان السفينة..
وضاعت بزحمة شواطي الذكريات..
لاتمر بيها النوارس!!
ولاهوى يحرك الشراع..!
تيهت مرساها وين..
وتاهت ببحر الحياة..
ومدري وين الموج جرجرها وخذاها...
وحيل تعبت من سفرها..
الروج چتفها وخنگها..
واختنگ حتى هواها..
وغرگت بگاع المحيط.. غرگت ومحد لگاها..
ودمعة نزلت من جفنها..
غيرت لون الشواطي..
وبچت عيون الجرف.. چي رفضها وماحواها..
وياصديقة عمري انتي.. هاي قصتي.
عمري گضيته وداع..
وگلبي صارلهم محطة..
وانتظر منهم رسالة.. وما اجتي..
وانتي اجيتيني دوه لجرحي القديم..
ضمديتي جروحي كلها وما لچمتي..
ليش ماجيتي من الاول؟؟
عمري خلصته بدونج وين چنتي؟؟
گبل وجهج ظلمة جانت كل حياتي..
جنت اسهر ليلي وحدي..
احسب النجمات ودموعي وجروحي..
وهمي وآهاتي وحسرتي وذكرياتي..
يافرح عمري الخسرته وياضحكتي وامنياتي
-أحمد آل رجب
رد مع اقتباس
المشاركة الأصلية كتبت بواسطة أحـمد آل رجب
