تبرت کل هلی وصاحت حمالای
الساتر من وگع و ارکس حمالای
چــنـت احسب هـلی بصد حمالای
اطلـعوا عـدوان الی بالموزمـیه




عمام المایشیرونک وشـــــرهم

خلي خیــرهم الهم وشــــرهم

الف مره من اغسلهم وشـرهم

تظــل لکت النحاسه ذیچ هیه (لبعضهــــم)

عمام الخیرهم ضرني وشرهم
اشلون اگدر اطیعنهم وشرهــم
اشما اغسل ترا بیهــم وشـرهم
ما نظفــو من اعمــــال الــردیه





یحگ لی لو سکنت البید والهام
صبر بلچن یطیب الالم والهام
عمری اربعتش یا ناس والهام
شیب من کثر هضم العلیه




یحگ لی لو همل جفنی وکتلای
دمع من حیث ما یصفه وکتلای
وکت تجری علیه غصه وکتلای
امنازع دونها وتدنه المنية




شهم شطحل شدگن صبر شلهم
العواذل والدهر ویای شلهم
عمامی الما تخیط فتگ شلهم
هضم لو شلته الایناب لیه





اصيح اعلى الزمان وما يصح لي
وخوي اليشرك ابهمي ما يصح لي
الطبيب امتحن بيه ما يصح لی
جرح عندي غزير وعمل بيه





الدهر خوان بفعاله وفتنی
قهرنی وذوب افادی وفتنی
اخوتی الی وفیت الها وفتنی
ابرده ولا شوف الی بیهم تچیه