رحلتي مع الرجيم ومرگة السبيناغ
السلام عليكم دررنا الغالين
اليوم حبيت احجيلكم عن تجربة عشتها خلال الشهرين المضت .
اني كل 6 اشهر اروح اسوي تحاليل عامة الجسمي
يم دكتور كلش يفتهم وجبير بالعمر وينصح
طلع عندي بالتحليل الدهون صاعدة والسكر التراكمي هم صاعد
التراكمي 6
في حين الطبيعي من ال 5 لل 5 ونص
الدهون طلعت 220
في حين النسبة الطبيعية من 150 لحد ال 200
قاس وزني طلع 94 ونص
كالي هالمرة كلش دايس بالثريد
طبعا جايب وياية تحاليل مسويهن يمة قبل 6 اشهر
كال لازم تنزل التراكمي والدهون والوزن
حتى متتضاعف حالتك
كالي تريد اكتبلك علاج لو تحترم نفسك بالاكل
كتلة اكتبلي علاج واحاول احترم
اذا مادبرت الاحترام اخذ العلاج
كالي ممنوع تاكل شكو شي بي طحين ابيض
حتى الشعرية الي بالشوربة ممنوع
التمن نص ماعون بالاسبوع
وممنوع تاكل شكو شي حلو
كتلة والچاي كال تشرب قزرقط
منعني من الفواكه ومن اي شي بي حلاه
كالي مجرد اسبوع امتنع
وراها تاخذ مثلا موزة باليوم او برتقالة
اما مجموعة الطحين كال ممنوع
لا نستلة لا بسكت لا كليجة كلة ممنوع
انطاني حبوب تسد الشهية وبلشت بالبرنامج
الچاي احطلة سكرين
والخبز كرصة شعير باليوم
هاي الشهرين نزلت 16 كيلو
جان وزني 94 ونص
هسة وزني 78 ونص
هواي امور فرقت عندي وحسيت بفرق جبير والكروش راح انمسح
وبالمناسبة انا مو سمين
و رياضي يومية العب طوبة
اليوم كلت اروح احلل واشوف
طلعت التحاليل كلها مصفرة
وراجعة الدهون والسكريات جوة الطبيعي بهواي
الدكتور كالي ولك مو هيج ترة الجسم يحتاج السكريات والدهون
جان اكوم واسد الباب هوة يباوع علية
كتلة والعباس ترة هنا ادججك واطلع مو خبلتني
كتلة بس عندي دوخة
كالي اكل سبيناغبي فوائد هواية
حتى جسمك يبدي يستعيد طاقتك
بشكل صحيح بعيدا عن الدهون والخبز والسكريات المصنعة
رحت للسوك جبت سبيناغ باگة بالف
ولوبية بألف
ونص كيلو لحم ب 9
ونومي بصرة ب 500
وبمساعدة الذكاء الاصطناعي سويت مرگةواكلتها
وسهمكم العافية
رد مع اقتباس
المشاركة الأصلية كتبت بواسطة ❥ أم محمد ❥
