من القوي يُمر بخسارة
ويمشي بدرب مو بإختياره
يحس روحه عايش گوّة عالنّاس
من القدر يفرض قراره
من تستفزّه جروحه بالليل
شتعذّب بحاله التفاصيل
يبچي ويصبّر گلبه ويصيح
المات مترجعه التواسيل
كلمن يگلّك سهلة وتهون
ما يعرف إحساس اليخسرون
العافك ومحتاج إله وتريد ملگاه
وغصبًا عليك تظل عمر ما تلتقي وياه
شيسوي بيك من القهر
لو چانت الفرگة غصب
تحاول تغيّر وجهتك
ويعرضلك بنص الدرب
من تبدي تضعف والبچي يزيد
ويصير هذا الحزن تعويد
أقوى اختبار يصير وياك
من ما تريد ولازم تريد
من تستحي تگول آني مخنوگ
وتلعب بعمرك ساعة الشّوگ
تظل منخبص كُل همّك يصير
تبين طبيعي وانتَ محروگ
شتسوي وتضم انكسارك
وهذا الدّمع يكسر قرارك
شگد صعبة من تفگد مُحب ويحين فرگاه
من ما تريده يروح وتگول الله ويّاه
لــ علي الدلفي
رد مع اقتباس
المشاركة الأصلية كتبت بواسطة شجرة.
