هنا

[هيـْـْْـْــــــــڤ']

يابو صالح رايتك عايشين بصايتك
ما گطعنه اقرايتك هايه
كل سنه انسويها المهدي يحضر بيها
بأسمك نعليها الرايه

بسنتي الجديده المهدي اريده
وعمري كله اوياه
بكل لحظه اتاني بالثواني احسب لملگاه
ابدي البدايه امنيتي هايه
جندي اصير اوياه

لهــاي الـراية انطيت احچاية

***

كُل سنه متواعد يوم واحد واحد
التقي بالقائد خادم
كون اشوفه ابعيني المهدي هو اسنيني
هذا ثار حسيني قادم

هاي الخدامه للنشامى المهدي باچر جاي
نعطش نحبه وهو جيته چنها جية ماي
هو احنه شيعه وعدنا بيعه كل سنه لمولاي

​لهــاي الـراية انطيت احچاية

***

كل سنه متانينه لو طلع مهدينه
مطر خير علينه جوده
من يهل اهلاله يخوف الخياله
اتصير جوه اخياله جنوده

يبدي البدايه وبيده رايه
ويخطب اعله الناس
لو صحنه بسمه المهدي لازم نذكر العباس
اسمه اشحلاته ومن صفاته
هو تاج الراس

​لهــاي الـراية انطيت احچاية

***

كل سنه اول ليله لازم انصليله
بالفرج ندعيله الليله
المهدي عشنه ابخيره ما نروح لغيره
هو شيخ الديره ادخيله

ادخيلك يمهدي بسمك
ابدي انت نور العين
كلمن يعوفك دربه ضايع مايعرف منين
هنياله كلمن يبقى كل سنه ويحسين

​لهــاي الـراية انطيت احچاية

***
اي وحگ عيونك ما نعيش ابدونك
شيعتك يردونك وينك
عيني بس للساعه متاني يوم الطاعه
السفر صار امتاعه عينك

اختم صلاتي واتباعي وطاعتي لمولاي
ماريد ازعلك بس احبك عمري كله الجاي
سنة الاشوفك يابو صالح عندي عيد بهاي

​لهــاي الـراية انطيت احچاية


لــ سيد محمود الموسوي

[حسام البيرماني شيزر]

سلمت الايادي
في ميزان حسناتكم

[هيـْـْْـْــــــــڤ']

الله يسلمك استاذ
ربي يحفظكم.. نورت