هنا

[رمـْـْْـْــــــــآڊ]

وفق دراسة مقدمة لواقع الخسائر نتيجة حرق الغاز يحرق العراق ما قيمته ٢.٥ مليار دولار سنويا
لا والكارثة البصرة وحدها تحرق غاز بقيمة ١١ مليون دولار يوميا
الي يسمع بهيج ارقام يصير شعره ابيض من القهر

[رمـْـْْـْــــــــآڊ]

المفارقة الكارثية العراق يحرق ما نسبته ٥٥٪؜ من حجم انتاج الغاز وبالمقابل يستورد غاز ايراني حتى يغطي حاجة المحطات الكهربائية
مو معقولة هيج العقول السياسية محجرة
او سببها منافع دولية والا ما عدنة اقتصاديين يكدرون يستثمرون بدراسة هذا القطاع

[رمـْـْْـْــــــــآڊ]

المصيبة الاكبر الغاز الي يحرقة العراق يغطي وزيادة حاجته من التشغيل والصناعة
بمعنى جاي نهدر ثرواتنا وثروة الاجيال القادمة

[رمـْـْْـْــــــــآڊ]

وهاك الاقوى
العراق يصدر النفط الخام ويتفق مع الدول الي يصدرها النفط الخام تزوده بالمشتقات النفطية الي يكدر ينتجها بالمصفى بسهولة وكفاءة عالية بس الاستهتار السياسي ما يحب شي اسمه تنمية وتطور

[رمـْـْْـْــــــــآڊ]

خل اكمل
اتفضل استاذ

[رمـْـْْـْــــــــآڊ]

بعد تعرض مصفى بيجي للتخريب نلاحظ ان الدواعش استخدموه لمنفعة شخصية بعد السيطرة اتوقف المصفى وتم انشاء مصفى كربلاء ومن تجي لواقع مصافي البصرة اهمال وتخريب متعمد حتى يبقى هل قطاع رهينة الاستنزاف المالي

[رمـْـْْـْــــــــآڊ]

على طاري الرهينة
البنك المركزي يستنزف العملة الصعبة الي تجينة من تصدير النفط وبدل ما يحتفظ فيها يطرحها عن طريق التجارة واستيراد السلع الاستهلاكية الي يكدر يصنعها لو قدم مشاريع وخطط تنمية فعليا لقطاع الزراعة والصناعة

[رمـْـْْـْــــــــآڊ]

اقوى ازمة مرينة بيها الجائحة كورونا الي هبطت اقتصادنا لادنى مستوياته والسبب العراق معتمد كليا على النفط وانهيار الساسعار سببله صدمه عمرة الي ما شايفه قبل
يمكن اعتبار هاي راشدي حتى يصحى الاقتصاد العراقي

[رمـْـْْـْــــــــآڊ]

خسرنا ما يقارب ٣٦ مليار دولار بسنة وحدة
شني هاي
طبعا اي اقتصاد كسول مثل العراق ممكن ينهار بلحظة لان مجرد توقفت الحياة خلت الحكومة تفر باذاناتها شلون توفر الرواتب

[رمـْـْْـْــــــــآڊ]

وحتى يوفرون الرواتب وقفوا موازنة المشاريع وصمموا قانون خاص بالاقتراض كالوا ناخذ ١٥ تريلون دولار من الداخل وناخذ ٥ مليار من الخارج اقتراض خارجي من البنوك وبوس عمك خالك يلا كملوا فلوس الرواتب