قصيدة من الشام ردينه مكتوبه
أداء: الرادود حيدر البياتي النجفي
كلمات :كرار حسين الكربلائي
من الشام ردينه
جينه نزور والينه
واويلاه يا زينب واويلاه يا زينب واويلاه يا زينب
ليش لكربله ترحين يا زينب
ما يرجع اخوج حسين يا زينب
خاف بكربله تموتين يا زينب
مشتاكه مشتاكه لأبن امي مشتاكه
شهر وعشر ايام عنه بعيده
تعبانه تعبانه من وكتي تعبانه
وامتوني مجروحه ردت يمسحها بأيده
بضيم الشام هذا اني واحتاجيت ولياني
انه بعازة ولياني وصحت كفالي وينه
واويلاه يا زينب واويلاه يا زينب واويلاه يا زينب
......................
الله يساعدج عالنوح يا زينب
جبتي راس اخو مذبوح يا زينب
شتحاجي ما بي روح يا زينب
عتبج زاد جرحه جروح يازينب
عتبج زاد جرحه جروح يا زينب
عالناكه عالناكه تلاكينه عالناكة
راس الاخو بحضني وادنكَلة واحضنه
شميته شميته من نحرة شميته
ويلي بعصا يزيد الشفايف كلها زركَة
راس حسين رديته
مو عطشان خليته
بدمع العين رويته وبست جرحة وجبينة
واويلاه يا زينب واويلاه يا زينب واويلاه يا زينب
..................
شتدورين بين الناس يا زينب
ندري شعندج من احساس يازينب
بالطف ذبحوا العباس يازينب
مطشر بالعامود الراس يا زينب
دلوني دلوني عالشاطي دلوني
مشتاكَة للعباس ابو الجفوف المحنة
دللني دللني من صغره دللني
خيحضر ظعونه ويرد بينه لاهلنه
يا عباس حشمتك كَوم وشوف حال اختك
فوك النوك ودعتك شمر حادي الظعينة
واويلاه يا زينب واويلاه يا زينب واويلاه يا زينب
...................
يوم الاربعينية يازينب
طحتن يم هوه الريه يازينب
علويه اعله علويه يا زينب
وبنت حسين ما هيه يازينب
يبن امي يبن امي سامحني يبن امي
ماتت رقيتهه الحبيبة بالخرابة
وصتني وصتني هالطفله وصتني
كَالت اذا رحتي تسلميلي اعله بابا
طلفه بسوط ضربوها وفوك النار مشوها
خشنة حبال جتفوها اهل الشام كتلوها
ودفناها بأيدينه
واويلاه يا زينب واويلاه يا زينب واويلاه يا زينب
...................
تم بعون الله
خادمكم حسام البيرماني
رد مع اقتباس
المشاركة الأصلية كتبت بواسطة ❥ أم محمد ❥
