كلمات قصيدة من رحلت مكتوبه حيدر الفريجي
كلمات الشاعر : موسى البطلي
من رحلت وما كلت ترحين وياي
ظليت جمره بنص كَلب ما تطفه بالماي
بويه بويه يحسين بويه
....................
مو مالت كَطع يهلي
اموت وياكم احسلي
اموتن كل عصر لو اشوف
بنات يلعبن بحلي بنات يلعبن بحلي
رجعت البيتي بهمومي
فتحت اكواري وهدومي
دعيت الله واريد الموت
بالدنيا بعد شلــــــــــي
بالدنيا بعد شلــــــــــي
وحدي رديت تخنكَ طبة البيت
وحدي رديت تخنكَ طبة البيت
ظلت عيني عالنوكَ واتنطر خبر جاي
حالي موزين عيني بعين الحسين
حالي موزين عيني بعين الحسين
كَلت خل ابجي ويشوف بلكي يسكت ابجاي
........................
زعلانه عليك هواي
ما كتلي انته امشي وياي
من يوم الرحت عني
مر بريجي حتى الماي
وين انطي الوجه لا وين
حالي يبجي سابع عين
مرات المرض من ناس
عليله وعند ابوي دواي
عليله وعند ابوي دواي
سعفه بالريح توكف كَوه وتطيح
سعفه بالريح توكف كَوه وتطيح
هيج يسوي الفراك يآذي بنيتك هواي
هم تردون يواهس شوف العيون
مره الفركَه يحسين اريدن دومك حذاي (بقربي)
..............
ارجع كونك تعزني
ريح كَلبي من حزني
كَوه النفس كَام يفوت
ريتي من الهوه تبزني
ريتي من الهوه تبزني
دعيت الله بجفن يدمع
ياخذ عمري لو ترجع
انتَ اكثر بشر يحسين
يعزني هواي ويحبني
كعدة الباب دواي خلاف الاحباب
كعدة الباب دواي خلاف الاحباب
وانشد باليمرون للطف ياهو عناي
جرح الفراكَ يآذي الكَلبه يشتاكَ
بنتكم واصله الموت اريدن منكم الراي
.................
بوية دواي ذبيته
وحتى الزاد كَطعيته
المريض وما يصح ادواه
أهله تردله عافيته
أهله تردله عافيته
تعرف بنيتك شعدها
على الله واعله والدها
اتمنه الموت بغيابه
اتمنه الموت بغيابه
وعافاها وترك بيته
امفاركَه النوم بلل دمعي الهدوم
امفاركَه النوم بلل دمعي الهدوم
متوقعتك تكَول ترحين انتي وياي
من رفت العين خبر معناها مو زين
يعني اويه اهلي ما اروح واحيرن وين منواي
........................
من رحلت وما كلت ترحين وياي
ظليت جمره بنص كَلب ما تطفه بالماي
...
تم بعون الله
نسألكم الدعاء
اخوكم حسام البيرماني
رد مع اقتباس
