الشاعر: عباس الشبلاوي
قرب اللهم مخرج الغريب...
سهل اللهم مخرج الحبيب ...
عجل اللهم مخرج الولي...
صاحب الزمان...
الحسين الليلة.... يودع العيلة....
كسير الخاطر يفتر ع الخيم
كضت ساعاتة.... الولي بخيماتة....
بصباحه يفارك ضعن اهل الشيم
ـــــــــــــــــــــــــ ـــــــــــــــــــــــــ ــــــــــــ
كصد خيمة خيمة يودع هلة
كبل ما يفاركهم بكربلة
لاكن طفلة بخيامة ضلت الة
يحب خاطرها.... وجفا يكسرها....
عزيزة گلبة.... رقية وصعبة....
عليها الفركة وما تحمل وداع
وبقت بالخيمة.... وتصير يتيمة....
لون طر عليها صبح الوداع
ـــــــــــــــــــــــــ ـــــــــــــــــــــــــ ــــــــــــ
من غفت عطشانة بنت الحسين
من تفز ما تلكى وجه الحنين
ونها باجر بالطف يكسر گلب
صاحب الزمان...
قرب اللهم مخرج الغريب...
سهل اللهم مخرج الحبيب ...
عجل اللهم مخرج الولي...
صاحب الزمان...
وداع ودمعة.... وحراير تنعى....
ثكالة تصبح باجر بالطفوف
وعزيز الزهرة.... يشوف الحسرة....
على وجوه الخدر والهم يشوف
ويلااااه ويلااااه
على غربة هلة وعيلته شكد بجة
شكثر ضامي بس بالعطش ما حجة
انحنى ضهرة وعلى الكفيل انتجة
صور لظعونة.... تمر بعيونة....
يحسبت ليلى.... وتصير العيلة....
غريبة ولا خيمة الها ولا علم
الخدر يتبدل.... جدم يصعد تل....
جدم يعبر حافي بجمر الخيام
باجر بلا والي كل النساء
لا خيم لا راية طف كربلاء
كربلة الما خلت دمعه بعيون
صاحب الزمان.....
قرب اللهم مخرج الغريب...
سهل اللهم مخرج الحبيب ...
عجل اللهم مخرج الولي...
صاحب الزمان...
حنان الخوة.... تذبحة الخطوة....
المشت بي لخيامه اخته ام الخدر
بحزن حاجاها.... شيصير وياها....
ويصبر بيها وگلبة بلا صبر
.......
يعين الله گلبج تعبتي شكثر
عطشتي وسهرتي على هذا الخدر
لجن باجر عليج أشد اليسر
ويَ طيحة دمي.... تطيح خيمي....
يزينب باجر.... بصباح العاشر....
تخسرين اسمج والعز والدلال...
ـــــــــــــــــــــــــ ـــــــــــــــــــــــــ ـــــــ
يزينب باجر.... بصباح العاشر....
تخسرين اسمج والعز والدلال
اذا رد مهري.... بدوني لخدري....
احسبي حسينج طاح على الرمال
تنسلب يا زينب كل خيمة ليج
والغريبة تنادي الوادم عليج
يبقى اسمج هذا لموعد ضهور
صاحب الزمان......
قرب اللهم مخرج الغريب...
سهل اللهم مخرج الحبيب ...
عجل اللهم مخرج الولي...
صاحب الزمان...
رد مع اقتباس
