من چان عمري اثمنطعش ماگلت
چنت استحي من الناس خافن تنِم
بمحراب عمري وينتظر جيّتك
ماشفت راحه ولا يمرني السلِم
اتمنى اشوف عيونك بكل وكت
وجروح گلبي الخضرن تلتئِم
غيبت عيونك عني من تبتعد
ثلثين حيلي من البعد ينهدِم
اشتاگلك والشوگ بيّه ايعصر
يتمنى شوفك حتى لو بالحلِم
يلماخذ وياك شكثر حيل الي
رجعلي منه وياك يلما تهِم
صوّرلي صورة خدك امن الصبح
بلكت ترد الروح بيّه امن اشِم
دورت دربك ماشفت أي اثر
رديت شايل دمعتي البيها ألِم
لميت حيلي وگلت ادوّر بعد
شفتك سراب بصحره ماتنلزِم
خليني اشوفك حتى ابطل السهر
ماتدري بيّه شصار… عندك علِم
كل عمري اعاني وماشفت اي فرح
بلكت تردلي وافرح وابتسِم


توفيق الصكبان.. محبتي لكم