لأن كل اليودني هايمين بليل
لا طرّ الفجر لاجنح لا صيّاح
نهر بستانكم جف بغياب النور
لا صوت اليدلي النهر عالفلاح
مثل هارب يشيح بظلمة الغيّاب
متعوب ويون وبظهره كومة رماح
نبض صبارة كلبي من العطش مكسور
شاخص عالتراب عروكة كلها جراح
خضّر بالسما ناطور صبر جبال
ومثل طبع الفرات من العطش ماناح
ازاود دمعتي وماتغفه طول اليل
بظلمة تنام عيني والرموش وكاح
اتاني الليل يمضي من تنام الناس
صبر كل لحظة عيني تناطر السفاح
شنو من روح تحمل صدر كله سهام
فقيره الروح ماتقبل تشيل سلاح
يا رمح المفارك من يمر طاريك
اجلبنك بروحي وعقل مال اشباح
من كد المحنة عيوني صارن ليل
وبكثر المودة اصبح صمتنا صياح
يا الكلك عشك بيا روح اكلك روح
يا عين من اشوفك تمشي وآنه ارتاح
تمشي لا اكف لاتمشي تالي اليل
اجدام اليل تعثر من يشوفك طاح
بقلمي
قآآف ..
رد مع اقتباس
