كلمات: محمود الموسوي
~~~~~
للكاظميه بكل سنه مشايه
يا موسى ابن جعفر الك وفايه
ونزوره ونزوره .. الكاظم انزوره
الك وفايه .. الك وفايه
~~~~~
هله بعشگ المجانين
مشي للكاظم اسنين
مثل مشاية حسين
.. الك مشايه
اجينه الباب المراد
زياره الأسد بغداد
يرب كل سنه تنعاد
.. خدمتك هايه
انت الأسد واليرهب من اصياره
انت الكريم الما يرد خطاره
صلينه فرض زيارتك صلينه
يلما ترجع الوادم المحتاره
انت العظيم الطيب ابن الساده
شباجك الينطي اليريد امراده
~~~~~
عظيم اسمك يسلطان
يالمحير السجان
كلامك هو قرآن
.. عظيمه حروفه
مطر خيراتك هواي
نزور الجنه مولاي
نجي مشاي مشاي
.. نحج ونطوفه
العد آل هاشم راهب يسمونه
بعيونه ومخوف السجن بعيونه
موسى ابن جعفر يرهب بسجداته
خله القصر يتزلزل بهارونه
من كل درب للكاظم اتعنينه
باب المراد من الكرم ينطينه
~~~~~~
ضواك الشافته العين
شمس من الروازين
يشايل هيبة حسين
.. يبخت الساده
عظيم وكلك اسرار
يهيبة علي الكرار
الك تتعنه زوار
.. يشيخ القاده
انت الكريم الما يسد بيبانه
انت الشجاع الراهب السجانه
رادوا يقيدونك نطق قرآنك
يالهيبتك هيبة علي مولانه
مشتاگه زوارك الك مشتاگه
هم الك يوم وترجع ونتلاگه
~~~~~~~
مشينه يطيب الجروح
زياره بعالم الروح
حجي الخدام مملوح
.. هله بزواره
سوه للكاظم انزور
ضريح الجنه والنور
فدينه ارواح ونذور
.. يبخت الشاره
اسمك عظيم وكله شاره ادخيله
هنيال كل زاير اجاك الليله
درب الزياره الموسى يا محلاته
واجب علينه بكل سنه نمشيله
بالزنزانه ومخوفهم
~~~~~~~
ضوه الآيات صلاك
يموسى انلوذ بحماك
يبو الحاجات اجيناك
.. گصدنه البابك
مشي وحبك بالأنفاس
قاضي الحاجه لناس
نحلفك بسم عباس
.. نبوس اعتابك
اسمك عظيم وخوفاهم صيته
عالي بسجودك والسجن بجيته
حاجتنه تعجيل الفرح مهدينه
والعنده حاجه اليوم ما رديته
شيعه واجينه اعله الجسر تشييعه
موسى الأمان اللي تگصده الشيعه
~~~~
راهب هاشم يسمونه
ينطي امراده وبابه اطلب
شيل الرايه بسم الكاظم
رد مع اقتباس