ـــــــــــــــــــــــــ ـــــــــــــــــــــــــ ــــــــ
مو بخير والله حال الضيم حالي
مو بخير ماتت امي وبيتي خالي
مو بخير غالي ومفارگله غالي
مو بخير وداعت الله وساعه مامرتاحه يمه
صارت الدنيا عبايه من مشيتي الدنيا ضلمه
توادعينه بلا مشابگ هيه هاي الهاضمتني
خفت اذب روحي عليچ وضلعچ المكسور الچمه
ماصايره عد كل البيوت
مايشبگ امه الرايده تموت
ياريت طلعت روحي وياچ
ثنيناتنه يكفينا تابوت
يايمه يايمه يايمه
ـــــــــــــــــــــــــ ـــــــــــــــــــــــــ ــــــــ
ذاك ابوي فوگ نعشچ كاض ضهره ذاك ابوي
ذاك ابوي حفر گبرچ مدري گبره ذاك ابوي
ذاك ابوي شفته يثغب تالي عمره ذاك ابوي
فراگچ مذبل عيونه وتكسر الخاطر مشيته
البيده شالع باب خيبر گوه يفتح باب بيته
يضم دمعه گبال ولده بس اعرفه هواي باچي
لمن اتلمس لحيته من الدمع رطبه لحيته
مصلايتچ نومتنا يمها
متانين جيتچ مانلمها
غير البچي من غبشه لليل
چا بالحلم نبچي شسمها
يايمه يايمه يايمه
ـــــــــــــــــــــــــ ـــــــــــــــــــــــــ ــــــــ
وين اروح والصور ملتمه كلها وين اروح
وين اروح اليوم روحي تريد اهلها وين اروح
وين اروح ذكره ذكره من ارجعلها وين اروح
اذكر ايام المحنه ولمن السفره تمدها
ماتضوگ الزاد چانت تلتهي تسهم لولدها
ولمن يمرض بينه واحد هيه التصبح عليله
وماتنام اليل كله ونصحى ونام وبعدها
من شاف دمها اعله الحياطين
من وكت راد يموت الحسين
مومال نبچي شلون ماچان
للوالده نضم البچي الزين
ارد اموت گلبي من الفرگه خاوي ارد اموت
ارد اموت ماطيبني النعاوي ارد اموت
نيه گشره الوكت ناوي
باچر يذبحون اخوي وخيلهم تركض ورانه
باچر يشلعون گلبه ورمح ينحط بمكانه
يمه باچر الوادم فوگ گبري يكتبون شيلي
ليش هيچ تسوي عود الناس شمسويلهم انه
ترضين هيچ يصير بيه
يفرغ ضريحي المغربيه
لايمي اخوتي واشتكي الحال
ولاواحد يصبر عليه
ـــــــــــــــــــــــــ ـــــــــــــــــــــــــ ــــــــ
رد مع اقتباس