الشاعر ::: علي مالك الموسوي
ـــــــــــــــــــــــــ ـــــــــــــــــــــــــ ــــــــ
حلوه التواسيل يل ماخذ الحيل
بس ارد اشوفك
طايحلك الماي بس احچي وياي
مابيه اعوفك
يمركض الروح صوتي انه مبحوح
صحتك بواچي
تفتر الخيول وانه افتر بچول
ورجع وطوفك
تدري المناشغ طلع فني
تردون لو شلع هذني
وفراگهم چفين عنده
هم كاض بلعومي وخنگني
واويلاه واويلاه ياغريبه
ـــــــــــــــــــــــــ ـــــــــــــــــــــــــ ــــــــ
شرد ازعل اعليك وانه من الاگيك
مااذكر اسمي
هوه الصدگ وين لوماكو الحسين
مايمشي دمي
اخ وبعد اخ يلمنشف الريج
گوه اعله گلبي
وتمنه بس هاي تجيبه دنياي
وتگعده يمي
من هسه الك فكيت اديه
سير يچتالي عليه
من زينب الحره الچبيره
گامو يسموني الخطيه
واويلاه واويلاه ياغريبه ـــــــــــــــــــــــــ ـــــــــــــــــــــــــ ــــــــ
سالفتك اعجاز موش من الاعزاز
شتفسرلهه
يمرايه والناس بعيون عباس
تعدل شكلهه
من عينك وجاي كل الخلگ هاي
ماتسوه عندي
بس انته الحسين چاهوه الحسين
يسواهه كلهه
وديتلك شوغه برساله
فرهدو گلبي من حلاله
يل ساتره عيونك عليه
ماتنحط الدنيا ابداله
واويلاه واويلاه ياغريبه ـــــــــــــــــــــــــ ـــــــــــــــــــــــــ ــــــــ
كافي من الوداع چاهيه كلساع
بسك يگلبي
انه ادري الگلوب شدتهه الغروب
ياروحي طلبي.
حلوه المعانات لوبيهه مرات
وگفه الطموحك
همه الجريبين سولتهم العين
ياعيني صبي
هوه الدمع مابي خساره
بس تبچي تطفي الگلب ناره
هيه بعد لوموت لوموت
يهل الرحم شوفولي چاره
للفاگد اخوان مالاگي عنوان
غير النهيبه
ماتخسر اعليه وتكتله اراويه
صوره الحبيبه
احا يعباس يل عابر الناس
ونته اعله نومك
مابشر بخير وشگاعد يصير
شوف المصيبه
منك وبيك الشلع گلبك
بل حالتين تضل احبك
انه اعتذرلك بيه تقصير
تطلبني خويه وماطلبك
واويلاه واويلاه ياغريبه
ـــــــــــــــــــــــــ ـــــــــــــــــــــــــ ــــــــ
رد مع اقتباس