الشاعر::: علي مالك الموسوي
ـــــــــــــــــــــــــ ـــــــــــــــــــــــــ ـــــــــــــ
ويگلها وين اليصل لمي ويگلها
محد الها زينب غريبة ومحد الها
مو لوداعكم للگومه مابيه
وحگ الخوه مچويات رجليه
شحبك وين مادري
اذا مطعون خويه الف وتسعميه
ياهو الگال مگضيه بله شلون مگضيه
اطفي بسكنه من النار
اديرن عيني اشوف النار برقيه
گابلت روحي وبچيت وصحت نامي
كلها موته اعليمن اموديه سلامي
والله وسفه انذبحت احچايت عمامي
چا هاي فوگ افراگ اخوتي
بس خلو راسه واگطعو صوتي
الدنيا شنهي ابلايه الحسين
موتي قهر ياروحي موتي
كلها اتريد مني وگلبي هم رايد
وانه المشكله الفارگت اعز واحد
بلكي يعمن اعليكم شيسوي بعيونه ابنادم الفاگد
خلصت ماتشوفوني
اعله اسمك دايره عيوني
الوادم سابحه بدمها
المن بعد گلبي مناطر وگاعد
وينكم يا بعد هاي وهاي عيني
اعليك ابو فاضل يبو فاضل تجيني
راح اموت وگالبه الخيمه بونيني
انته الصواب العابر الريش
مفلش الگلب اعليك تفليش
حلوه من اخوتك تگعد وياك
والموش حلوه بوحدك تعيش
انه هم عطشانه وتعبانه اعلى اخواني
الذيچ گعدتنا من الهضم وازاني
گوه اگومن گلبي يوجعني
من طبع اليحب يداري محبوبه
بس انه اعلى راسي الدنيا مگلوبه
هسه شلون ياروحي التحبينه
الحوافر شگگت ثوبه
يابويه شكثر صعبه
الحوافر واصله الگلبه
واخ من الگلب يحسين
دورتك ودورتك ومتعوبه
ياهو اليتحمل الشافت عيني مره
ضلع اخوك اگبالك ابنادم يكسره
وفوگ كل هذا يشيل اگبالي نحره
گامت الخيل ادوس مرتين
لحد ماعزيز انشاف نصين
مافضت من الخيل والناس
دارو بالحجار اعله الحسين
متعبيــــــــــــــنك
سد عيـــــــــــــــــنك
ذب تعبك على عيوني بس غمض
لا تركض من تسمع يشتموني
هاي اليله مدري شلون اجزيهه
اطلع صورتك واتمدد عليهه
ماتحچي الصور ادري
بس من ضيمي احاچيهه
كل ماگلبي يعصرني
افارگ واحد يحبني
عدمن يشتكي المشتاگ
اذا عافيته منطيهه
فوگ ماتتصور اجروحي غميجه
انه اول گلب يابس موش ريجه
مومخيم گلبي بس عندي حريجه
موخوش من بعيد العتاب
واترجه بلكت يندگ الباب
چان شحلاته وينطب البيت
لاچن عگبهم صاير تراب
عن ياضيم عن ياسالفة احچيلك
تچيلي ارد اگومن مدري اتچيلك
مالحگ ادعيلك گوم
كلها ركاض چاوين اگعد ادعيلك
شدعي وگاعد تنازع
وگلبك هم صفح طالع
ماضل فوگ جسمك ثوب
چاعود ارد افييلك
طشرو جسمك يبو النعمه الچبيره
ماتلمك لاعبايه ولاحصيره
موش هينه اعله الهواشم وامشي اسيره
اكثر احچايه اتعيل بيه
اخت الفحل صارت سبيه
خلونه اگلكم حالنه شلون
والله احنه جازين الخطيه
لا إله إلاّ الله
سبيت زينب
لا اله الا الله
ماتت زينب
گوه اگوم گلبي يوجعني اعله اخوي
ـــــــــــــــــــــــــ ـــــــــــــــــــــــــ ـــــــــ
رد مع اقتباس