الشاعر ؛؛ السيد محمد الموسوي
ـــــــــــــــــــــــــ ـــــــــــــــــــــــــ ــــــــ
(المستهل)
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
الحگوني يهل زينب بعد ماضل نفس بيه
علي ترضى اليشيعوني الامس جابوني مسبيه
ولا وحده اجت لطمت ولاواحد بچه عليه
ليش محد يشيل النعش
ليش وانا ميته من العطش
ليش منهد ليل هدعش
والحچي سهام وحدي بالشام
راح اموتن ياعلي
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
منو اليوصل لبو فاضل بوصية زينب يگله
يخو زينب عله متونك ردت تابوتي يتخله
تره التابوت اذا ينحط على متون الغرب فشله
هاي هاي تاليت العمر
هاي اندفن يم القصر
هاي هاي عود انه ام الخدر
عگب الخيام وحدي بالشام
راح اموتن ياعلي
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
يخدامي بواچيكم عليه تخفف الغربه
السنه هم ماكو لامجلس ولارايه عله الگبه
تره فارغ صحن زينب وعگبكم محد يطبه
ليش ذني سنتين الجزن
ليش ماكو مجلس بالصحن
ليش گلب زينب والله حن
ها يخدام وحدي بالشام
راح اموتن ياعلي
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
الوكت شالع گلب زينب گطع يابويه سباحه
اشو لاميته مرتاحه ولابالدنيا مرتاحه
الكتلني افراگ ابو اليمه واليشيعني ذباحه
دار دار يابويه الوكت
دار حسين مات وايست
دار وبخرايبهم نمت
مثل كل عام وحدي بالشام
راح اموتن ياعلي
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
چنت اتمنه من زغري هلي بموتي يحضروني
وبيارغ هاشم ترفرف اذا طلعوا يشيعوني
الحسن وحسين والكافل سوه بگبري ينزلوني
كون كون ميته بنص هلي
كون يم اخوي وكافلي
كون حاضرني علي
صارت احلام وحدي بالشام
راح اموتن ياعلي
رايدتكم ياهلي محد اليفزع الي
وحدي بنص الغرب راح اموتن ياعلي
هاي الايام وحدي بالشام
راح اموتن ياعلي
ـــــــــــــــــــــــــ ـــــــــــــــــــــــــ ــــــــ
رد مع اقتباس