الشاعر؛؛ سعد شميل
ـــــــــــــــــــــــــ ـــــــــــــــــــــــــ ــــــــ
انه الغريبه المنكسر خاطرها
وشحت الله بل خير من چادرها
الوادم الغربه تزور ابوي من تموت
چا انه بته ومحد يزورها
يالبعاد صحتكم اجه الموت لختكم
تثغبون ردتكم بويه. بويه. بويه
تره الشام ضلمني من الحسين حرمني
وبالقصور هضمني بويه. بويه. بويه
اه يزينب اه يزينب
ـــــــــــــــــــــــــ ـــــــــــــــــــــــــ ــــــــ
انه انه وماتغير من اموت
ميته بس مشتاگه
الله كاتبلي انسبي وما استراح
وما كتب نتلاگه
الدنيا مالت كلها من مات الحسين
مااعتب عالناگه
غير اليموت ورادو يدفنونه
ينزل اخو يقيس الگبر بمتونه
يحس بمعزته الميت بين عزاز
من يبچي اخو عالگبر ويسكتونه
غريبه وسبيه والحسين خطيه
منو يصيح عليه زينب. زينب. زينب
يالحنان ثگيله نعشها العقيله
الغرب من تشيله زينب. زينب. زينب
اه يزينب اه يزينب ـــــــــــــــــــــــــ ـــــــــــــــــــــــــ ــــــــ
انه ولدي بطولي بس فرني الزمان
وصار دمعي بطولي
انه يم يا جثه منكم مابچيت
ليش ماتبچولي
ماصحت لحگولي من بخيامي نار
وهسه لا الحگولي
ياما شگفت حجار عنكم يامه
وساعه الم جسم حسين ساعه ايتامه
بين الخيول شكثر وصيت الروح
اعثر بعون ولااعثر بعمامه
گضت موت زلمنه ودوت نار خيمنه
والسياط تلمنه صعبه. صعبه. صعبه
لمن طاح علمنه الوكت مارحمنه
وبالسوگ وگفنه صعبه. صعبه. صعبه
اه يزينب اه يزينب
ـــــــــــــــــــــــــ ـــــــــــــــــــــــــ ــــــــ
والله مامرتاحه ساعه وروح ابوي
ولامنشفه دموعي
الهسه من الناگه والتل والركاض.
يوجعني ضلوعي
من تجيني الضلمه تضوي بگلبي نار
ما مكلفه شموعي
اخذوني يمكم يا حسين اخذوني
بالشام هاي العرب مايردوني
شمحلاهه لوبينك وبين العباس
والناس اليزورونك يزوروني
بعد موسبيه وتجي وياي رقيه
وتسيرون عليه يهلي. يهلي. يهلي
عليكم قريبه وبعد موغريبه
العتب مااجيبه يهلي. يهلي. يهلي
اه يزينب اه يزينب ـــــــــــــــــــــــــ ـــــــــــــــــــــــــ ــــــــ
رد مع اقتباس